នៅថ្ងៃទី២៤ ខែសីហា ឆ្នាំ២០២៦ កងទ័ពអ៊ីស្រាអែលបានធ្វើការចូលលុកលុយថ្មីមួយក្នុងខេត្ត Quneitra ភាគខាងត្បូងប្រទេសស៊ីរី និងបានឃាត់ខ្លួនអ្នកគង្វាលម្នាក់។
ប្រភពពីសារព័ត៌មានAnadolu Agency។
តាមប្រព័ន្ធផ្សព្វផ្សាយស៊ីរី កងកម្លាំងអ៊ីស្រាអែលបានរុលចូលតំបន់ខាងលិចទីប្រជុំជន Al-Rafid ក្នុងជនបទភាគខាងត្បូង Quneitra និងបានឃាត់ខ្លួនអ្នកគង្វាលម្នាក់។ តំបន់នេះធ្លាប់មានការចូលលុកលុយជាបន្តបន្ទាប់ ដោយមានសេចក្តីរាយការណ៍ថា កងកម្លាំងអ៊ីស្រាអែលបានចូលតំបន់ដដែលម្តងទៀតកាលពីថ្ងៃសុក្រ។
ក្នុងរយៈពេលប៉ុន្មានខែចុងក្រោយ ភាគខាងត្បូងស៊ីរីបានប្រឈមនឹងសកម្មភាពយោធារបស់អ៊ីស្រាអែលជាបន្តបន្ទាប់ រួមមានការវាយឆ្មក់ ការឆែកឆេរ ការឃាត់ខ្លួន និងការបង្កើតប៉ុស្តិ៍ត្រួតពិនិត្យយោធា។
សកម្មភាពទាំងនេះបានកើនឡើងក្រោយការដួលរលំនៃរបបលោក Bashar al-Assad នៅខែធ្នូ ឆ្នាំ២០២៤។ អ៊ីស្រាអែលបានប្រកាសថា កិច្ចព្រមព្រៀងផ្តាច់កងកម្លាំងឆ្នាំ១៩៧៤ បានដួលរលំ ហើយបានកាន់កាប់តំបន់ទ្រនាប់រវាងភាគីទាំងពីរ៕
