នៅថ្ងៃទី២៤ ខែសីហា ឆ្នាំ២០២៦ មនុស្សរាប់ម៉ឺននាក់នៅតំបន់ជុំវិញទីក្រុងRenoក្នុងរដ្ឋNevadaរបស់សហរដ្ឋអាមេរិក ត្រូវបានបញ្ជាឱ្យជម្លៀសខ្លួន ខណៈភ្លើងឆេះព្រៃHawk Fire កំពុងរីករាលដាលដល់ជាយក្រុង។
ប្រភពពីសារព័ត៌មានReuter។
អាជ្ញាធរមូលដ្ឋានបានឱ្យដឹងថា ប្រជាជនប្រមាណ៤២,០០០នាក់ត្រូវបានជម្លៀស ឬកំពុងស្ថិតក្នុងតំបន់ដែលមានបញ្ជាឱ្យចាកចេញ។ មនុស្សប្រមាណ៤៥,០០០នាក់ទៀតត្រូវបានណែនាំឱ្យត្រៀមខ្លួនជម្លៀស ប្រសិនបើស្ថានការណ៍កាន់តែធ្ងន់ធ្ងរ។
ភ្លើងបានឆេះផ្ទៃដីប្រមាណ១៣,០០០អេឃ័រឬជាង៥,២៦០ ហិកតា។ វីដេអូពីតំបន់កើតហេតុបង្ហាញឃើញផ្សែងយ៉ាងក្រាស់ និងអណ្តាតភ្លើងកំពុងខិតជិតផ្លូវ និងតំបន់លំនៅឋាន។
តំបន់ជម្លៀសបានពង្រីកពីតំបន់ភ្នំ Sierra Nevada រហូតដល់តំបន់ជិតសាកលវិទ្យាល័យ Nevada ក្នុងភាគពាយ័ព្យទីក្រុង Reno។
អាជ្ញាធរបានបញ្ជាក់ថា ភ្លើងនេះត្រូវបានបង្កឡើងដោយសកម្មភាពមនុស្ស ប៉ុន្តែមូលហេតុជាក់លាក់កំពុងស្ថិតក្រោមការស៊ើបអង្កេត។ ក្រុមពន្លត់អគ្គិភ័យ និងក្រុមសង្គ្រោះកំពុងបន្តប្រតិបត្តិការ ដើម្បីទប់ស្កាត់ការរីករាលដាល និងការពារប្រជាជននៅតំបន់ដែលរងការគំរាមកំហែង៕
