នៅថ្ងៃទី១ ខែកញ្ញា ឆ្នាំ២០២៦ អ៊ីរ៉ង់បានព្រមានសហរដ្ឋអាមេរិកថា ប្រសិនបើអាមេរិកវាយប្រហារអ៊ីរ៉ង់ម្ដងទៀត អ៊ីរ៉ង់នឹងឆ្លើយតបខ្លាំងជាងមុន។
ប្រភពពីសារព័ត៌មានAnadolu Agency។
កងកម្លាំងយោធាអ៊ីរ៉ង់បាននិយាយថា អាមេរិកកំពុងប្រើប្រាស់ទឹកដី ដែនអាកាស និងទីតាំងយោធារបស់ប្រទេសមួយចំនួននៅក្នុងតំបន់ ដើម្បីវាយប្រហារអ៊ីរ៉ង់។ អ៊ីរ៉ង់បានព្រមានថា ទីតាំងណាដែលត្រូវបានប្រើសម្រាប់វាយប្រហារខ្លួន អាចក្លាយជាគោលដៅនៃការវាយប្រហារតបរបស់អ៊ីរ៉ង់។
ការព្រមាននេះកើតឡើង បន្ទាប់ពីកងកម្លាំងអាមេរិកបានវាយប្រហារទីតាំងបាញ់មីស៊ីលរបស់អ៊ីរ៉ង់នៅកោះ Larak ក្បែរច្រកសមុទ្រ Hormuz ដែលបណ្តាលឱ្យមនុស្ស ២ នាក់ស្លាប់ និង ២ នាក់ទៀតរងរបួស។
បន្ទាប់ពីការវាយប្រហារនោះ អ៊ីរ៉ង់បានធ្វើការវាយប្រហារសងសឹកទៅលើទីតាំងដែលប្រើប្រាស់ដោយកងកម្លាំងអាមេរិកនៅហ្សកដង់ និងអេមីរ៉ាតអារ៉ាប់រួម។
អ៊ីរ៉ង់បានបញ្ជាក់ថា ខ្លួនគោរពប្រទេសជិតខាង ប៉ុន្តែនឹងមិនទទួលយកការវាយប្រហារលើខ្លួនឡើយ។ ក្រុងតេហេរ៉ង់ក៏បានអំពាវនាវឱ្យអាមេរិកចាកចេញពីតំបន់ និងព្រមានថា ការវាយប្រហារថ្មីណាមួយនឹងនាំឱ្យមានការឆ្លើយតបកាន់តែធ្ងន់ធ្ងរ៕
