វិនិយោគិនកំពុងបារម្ភថា អត្រាផលចំណេញ (yield) របស់ប័ណ្ណរដ្ឋាភិបាលអាមេរិកអាយុ ១០ ឆ្នាំ អាចឡើងដល់ ៦% បន្ទាប់ពីវាបានឆ្លងកាត់កម្រិត ៥% ក្នុងខែនេះ។
ប្រភពពីសារព័ត៌មានReuter នៅថ្ងៃទី២៤ខែកញ្ញា។
កាលពីមុន អត្រា ៥% ត្រូវបានគេចាត់ទុកថាជាកម្រិតដែលអាចធ្វើឱ្យទីផ្សារហិរញ្ញវត្ថុពិភពលោកមានភាពរញ៉េរញ៉ៃ។ ប៉ុន្តែឥឡូវនេះ ការឡើងដល់ ៥% មិនបានធ្វើឱ្យទីផ្សារភ្ញាក់ផ្អើលខ្លាំងដូចមុនទៀតទេ។
ដូច្នេះ វិនិយោគិនចាប់ផ្តើមសួរថា តើ ៦% នឹងក្លាយជាកម្រិតថ្មីដែលធ្វើឱ្យទីផ្សាររងសម្ពាធខ្លាំងឬ?
ប្រសិនបើ yield ឡើងដល់ ៦% វាអាចបង្កឱ្យមានការផ្លាស់ប្តូរតម្លៃធំៗនៅក្នុងទីផ្សារប័ណ្ណរដ្ឋាភិបាលអាមេរិក ដែលមានទំហំប្រហែល ២៩ ទ្រីលានដុល្លារ។
មូលហេតុមួយដែលធ្វើឱ្យវិនិយោគិនបារម្ភ គឺ បំណុលរដ្ឋាភិបាលអាមេរិកកំពុងស្ថិតក្នុងកម្រិតខ្ពស់បំផុត។ ប្រសិនបើអត្រាការប្រាក់កើនឡើង ការចំណាយរបស់រដ្ឋាភិបាលលើការបង់ការប្រាក់បំណុលក៏អាចកើនឡើងផងដែរ៕
