នាយករដ្ឋមន្ត្រីអ៊ីស្រាអែល លោក Benjamin Netanyahu បានថ្លែងសុន្ទរកថាយ៉ាងខ្លាំងនៅមហាសន្និបាតអង្គការសហប្រជាជាតិ (UN) នៅថ្ងៃទី២៥ ខែកញ្ញា ដោយរិះគន់ទាំងសត្រូវ និងប្រទេសមួយចំនួនដែលជាសម្ព័ន្ធមិត្តរបស់អ៊ីស្រាអែល។
ប្រភពពីសារព័ត៌មានAFP។
ក្នុងពេលលោកកំពុងថ្លែងសុន្ទរកថា អ្នកតំណាងប្រទេសជាច្រើនបានដើរចេញពីសាលប្រជុំ ខណៈអ្នកខ្លះស្រែកតវ៉ា និងសើចចំអក។ ផ្ទុយទៅវិញ សមាជិកក្រុមរបស់លោក Netanyahu បានក្រោកឈរ និងទះដៃគាំទ្រ។
លោក Netanyahu ក៏បានរិះគន់មេដឹកនាំអ៊ីរ៉ង់ និងប្រទេសមួយចំនួនដូចជា អង់គ្លេស បារាំង និងតួកគី។ លោកថែមទាំងបានវាយប្រហារលើលោក Zohran Mamdani អភិបាលក្រុងញូវយ៉ក ដោយចោទប្រកាន់ថា លោកមានអាកប្បកិរិយាប្រឆាំងជនជាតិជ្វីហ្វ និងធ្វើឱ្យជនជាតិជ្វីហ្វមួយចំនួនមានអារម្មណ៍ថាមិនមានសុវត្ថិភាព។
សុន្ទរកថានេះកើតឡើង ខណៈលោក Netanyahu កំពុងប្រឈមនឹងការប្រកួតប្រជែងនយោបាយនៅអ៊ីស្រាអែល មុនការបោះឆ្នោតដែលគ្រោងធ្វើនៅថ្ងៃទី២៧ ខែតុលា៕
