ប្រធានាធិបតីចិន លោក Xi Jinping បានជំរុញប្រធានាធិបតីអាមេរិក លោក Donald Trump ឱ្យអាមេរិក និងអ៊ីរ៉ង់ ត្រឡប់ទៅរកការចរចា ដើម្បីបញ្ចប់សង្គ្រាមរវាងប្រទេសទាំងពីរ។
ប្រភពពីសារព័ត៌មានAÂ news នៅថ្ងៃទី២៥ខែកញ្ញា។
ក្នុងជំនួបបិទទ្វារនៅសេតវិមាន កាលពីថ្ងៃទី២៤ ខែកញ្ញា លោក Xi បាននិយាយថា ចិនគាំទ្រឱ្យអាមេរិក និងអ៊ីរ៉ង់ត្រឡប់ទៅកាន់ក្របខណ្ឌកិច្ចព្រមព្រៀងដែលភាគីទាំងពីរបានព្រមព្រៀងគ្នាកាលពីខែមិថុនា។ លោកសង្ឃឹមថា ភាគីទាំងពីរអាចឈានដល់កិច្ចព្រមព្រៀងទូលំទូលាយ ស្តីពីបញ្ហានុយក្លេអ៊ែរ និងបញ្ហាផ្សេងៗ ដើម្បីសម្រេចបានសន្តិភាព។
មុននេះ ប៉ាគីស្ថាន និងកាតា បានជួយសម្របសម្រួលរហូតឈានដល់កិច្ចព្រមព្រៀងក្របខណ្ឌមួយនៅថ្ងៃទី១៨ ខែមិថុនា ដោយផ្តល់ពេល ៦០ថ្ងៃ សម្រាប់អាមេរិក និងអ៊ីរ៉ង់ចរចាកិច្ចព្រមព្រៀងរយៈពេលវែង។ ប៉ុន្តែបន្ទាប់មក ភាគីទាំងពីរបានបន្តវាយប្រហារឆ្លើយតបគ្នា។
ក្នុងជំនួបជាមួយលោក Trump លោក Xi ក៏បានជំរុញឱ្យអាមេរិកប្រឆាំងនឹង “ឯករាជ្យភាពតៃវ៉ាន់” និងដោះស្រាយបញ្ហាតៃវ៉ាន់ដោយប្រុងប្រយ័ត្ន។ ចិនចាត់ទុកតៃវ៉ាន់ជាផ្នែកមួយរបស់ខ្លួន ខណៈតៃវ៉ាន់មានការគ្រប់គ្រងដោយខ្លួនឯងតាំងពីឆ្នាំ១៩៤៩។
លោក Xi ក៏បានអំពាវនាវឱ្យចិន និងអាមេរិកបង្កើតទំនាក់ទំនងដែលមានស្ថិរភាព និងសហការគ្នាកាន់តែប្រសើរ ដោយលោកបញ្ជាក់ថា ការកសាងទំនាក់ទំនងបែបនេះត្រូវការពេលវេលា និងការអនុវត្តជាក់ស្តែង៕
