(កំពង់ស្ពឺ)៖ លោក សៀង សុខលី នៅភូមិកាកាប សង្កាត់ក្សេមក្សាន្ត ក្រុងឧដុង្គម៉ែជ័យ ខេត្តកំពង់ស្ពឺ បានកើតទុក្ខមិនសុខចិត្ត ក្រោយតុលាការខេត្តកំពង់ស្ពឺ សម្រេចលើកលែងការចោទប្រកាន់លើមនុស្ស៤នាក់.!!។
ដែលលោក សៀង សុខលី អះអាងថា ពួកគេបានផ្សំគំនិតគ្នាក្នុងការក្លែងបន្លំឱ្យបុគ្គលឈ្មោះ យឹម អេង មកតាំងខ្លួនជាម្ចាស់អគាររោងចក្រ ដែលជាកម្មសិទ្ធិរបស់លោក.ធ្វើឱ្យរាំងស្ទះអាជីវកម្មនិងកើតរឿងប្ដឹងផ្ដល់.!។
*ទាក់ទិនរឿងនេះលោក សៀង សុខលី
ក្នុងនោះ ភាគីអ្នកជួលក៏បានបង់ប្រាក់ជាបន្តបន្ទាប់ លុះដល់ខែវិច្ឆិកា ឆ្នាំ២០២៥ ស្រាប់តែអ្នកជួល.លែងបង់ប្រាក់ឈ្នួលដូចមុនៗ។
បើតាមលោក សៀង សុខលី មូលហេតុដែលអ្នកជួលឈ្មោះ He HuAze លែងបង់ប្រាក់ឈ្នួល! គឺដោយសារឈ្មោះ យឹម អេង ភេទស្រីនិងបក្ខពួក៣នាក់ទៀត មកអះអាងថា ខ្លួនជាម្ចាស់អគាររោងចក្រ ទើបកើតជាទំនាស់ ហើយភាគីអ្នកជួល.ក៏លែងបង់ប្រាក់ និងមិនគោរពកិច្ចសន្យាជួល!។
មូលហេតុនេះហេីយ ទេីបគ្រួសារលោក សៀង សុខលី ជួបវិបត្តិសេដ្ឋកិច្ចយ៉ាងធ្ងន់ធ្ងរ លែងមានលទ្ធភាពបង់ការប្រាក់ជូនធានាគារ។
លោក សៀង សុខលី បន្តថា ក្រោយជួបរឿងហួសចិត្តបែបនេះ! លោកបានប្ដឹងឈ្មោះ យឹម អេង ភេទស្រី អាយុ៤៤ឆ្នាំ.ឈ្មោះ ហុង ផាន់ណែត ភេទប្រុសអាយុ៣៤ឆ្នាំ.ឈ្មោះ ទ្រី គឹមហុង ភេទស្រីអាយុ២៧ឆ្នាំ.ឈ្មោះ ទ្រី គីមជូ ភេទស្រីអាយុ៣១ឆ្នាំ ចូលតុលាការខេត្តកំពង់ស្ពឺ ពីបទ៖ សមគំនិតក្នុងអំពើក្លែងបន្លំផ្សំគំនិត.ក្លែងបន្លំ.និងរំលោភលំនៅឋាន ដែលបានប្រប្រព្រឹត្ត នៅភូមិតាឡក សង្កាត់ក្សេមក្សាន្ត ក្រុងឧដុង្គម៉ែជ័យ ខេត្តកំពង់ស្ពឺ កាលពីថ្ងៃទី០៩ ខែកញ្ញា ឆ្នាំ២០២៥។
ប៉ុន្តែបណ្ដឹងរបស់លោក ត្រូវបានសាលាដំបូងខេត្តកំពង់ស្ពឺ សម្រេចទម្លាក់បទចោទលើបុគ្គលទាំង៤នាក់ខាងលើទៅវិញ! ធ្វើឱ្យរូបលោក កាន់តែឈឺចាប់ថែម១កម្រិតទៀត!!។
ទន្ទឹមនិងនោះលោក សៀងសុខលី ក៏បានប្ដឹងជំទាស់ទៅសាលាឧទ្ធរណ៍ភ្នំពេញផងដែរ ដើម្បីទាមទាររកយុត្តិធម៌! ហើយនៅពេលថ្មីៗនេះ សាលាឧទ្ធរណ៍ភ្នំពេញ បានចេញដីកាកោះហៅ(សាក្សី)ឈ្មោះ អ៊ុច ចាន់ថន ភេទប្រុសអាយុ៣៨ឆ្នាំ ឱ្យចូលបំភ្លឺក្នុងសវនាការ នាថ្ងៃទី២៥.០៩.២០២៦។
ខណៈលោក សៀង សុខលី ដើមបណ្ដឹងរួមនិងមេធាវី ពុំបានទទួលដីកាកោះហៅពីសាលាឧទ្ធរណ៍ភ្នំពេញនោះឡើយ!។
*ជុំវិញរឿងរ៉ាវខាងលើលោក សៀង សុខលី ស្នើសុំឱ្យសាលាឧទ្ធរណ៍ភ្នំពេញមេត្តាពិនិត្យចាត់វិធានការផ្លូវច្បាប់លើឈ្មោះ យឹម អេង.ឈ្មោះ ហុង ផាន់ណែត.ឈ្មោះ ទ្រី គីមហុង.ឈ្មោះ ទ្រី គីមជូ ដោយក្ដីអនុគ្រោះ!។
ដោយលោក សៀង សុខលី អះអាងថាបុគ្គលទាំង៤នាក់នេះ បានគប់គិតគ្នាមកគំរាមកំហែង កម្មករតុកាត់ ក្នុងរោងចក្រខាងលើ កាលពីថ្ងៃទី០៩ ខែកញ្ញា ឆ្នាំ២០២៥ បង្កជាជម្លោះរាំងស្ទះការងារ កើតរឿងប្ដឹងផ្ដល់រហូតបច្ចុប្បន្ន។
យ៉ាងណាក្ដីនេះគ្រាន់តែជាការអះអាងរបស់លោក សៀង សុខលី តែម្ខាងប៉ុណ្ណោះ! ហើយ”ដើមរាំង”រង់ចាំការបំភ្លឺពីភាគីពាក់ព័ន្ធរៀងរាល់ម៉ោងធ្វើការ ដើម្បីផ្សព្វផ្សាយនូវលេខក្រោយៗទៀត៕
