កូរ៉េខាងត្បូងបានឱ្យដឹងថា កូរ៉េខាងជើងបានបាញ់មីស៊ីលផ្លោងជាច្រើនគ្រាប់ចេញពីតំបន់ទីក្រុងព្យុងយ៉ាង ឆ្ពោះទៅសមុទ្រខាងកើត ដែលគេស្គាល់ថាជាសមុទ្រជប៉ុន នៅម៉ោងប្រហែល ៩:២០ នាទីព្រឹក។
ប្រភពពីសារព័ត៌មានTRT Worlds នៅថ្ងៃទី១២ខែតុលា។
យោធាកូរ៉េខាងត្បូងបានបង្កើនការតាមដាន និងការប្រុងប្រយ័ត្ន ដើម្បីត្រៀមទប់ទល់នឹងការបាញ់មីស៊ីលបន្ថែមទៀត។
ការបាញ់មីស៊ីលនេះកើតឡើង បន្ទាប់ពីកូរ៉េខាងជើងបានសាកល្បងបាញ់មីស៊ីលផ្លោងមួយគ្រាប់កាលពីថ្ងៃទី៣ ខែតុលា ដោយអះអាងថា មីស៊ីលនោះប្រើប្រាស់បច្ចេកវិទ្យាបញ្ញាសិប្បនិម្មិត (AI) និងអាចផ្លាស់ប្តូរគន្លងហោះហើរនៅរយៈកម្ពស់ទាបបាន។
ចំណែកកូរ៉េខាងត្បូង ក៏បានប្រកាសថា ខ្លួនបានសាកល្បងអាវុធល្បឿនលឿនជាងសំឡេងប្រភេទថ្មីដោយជោគជ័យផងដែរ។ សកម្មភាពទាំងនេះបង្ហាញពីការបន្តអភិវឌ្ឍសមត្ថភាពអាវុធរបស់ប្រទេសទាំងពីរ៕
