ការឃោសនានៅរដ្ឋKansas៖ ប្រធានាធិបតី ដូណាល់ ត្រាំ បានលើកឡើងថា ហេតុការណ៍កុបកម្ម និងការលួចប្លន់នៅក្នុងប្រទេសបារាំង.គឺជាសញ្ញាព្រមានទុកជាមុន អំពីអ្វីដែលអាចកើតឡើង ចំពោះសហរដ្ឋអាមេរិក ប្រសិនបើគណបក្សប្រជាធិបតេយ្យទទួលបានជ័យជម្នះ នៅក្នុងខែវិច្ឆិកាខាងមុខ។
សារព័ត៌មានCNN នៅថ្ងៃទី២០.១០.២០២៦។
លោកក៏បានច្រានចោលក្តីបារម្ភនានាជុំវិញឱកាសឈ្នះឆ្នោតរបស់សមាជិកព្រឹទ្ធសភាមកពីគណបក្សសាធារណរដ្ឋ។
គឺលោក Roger Marshall នៅក្នុងការប្រកួតប្រជែងដ៏ស្វិតស្វាញមួយនៅរដ្ឋដែលជាមូលដ្ឋានដ៏រឹងមាំរបស់គណបក្សសាធារណរដ្ឋ។
លោកនិយាយថា៖ «លទ្ធផលស្ទង់មតិទាំងនោះគឺជារឿងក្លែងក្លាយ»
ការយកចិត្តទុកដាក់ទាំងអស់គឺទៅលើរដ្ឋ Texas៖ ការបោះឆ្នោតមុនកាលកំណត់ដោយផ្ទាល់បានចាប់ផ្តើមហើយនៅក្នុងរដ្ឋ Texas ដែលគណបក្សប្រជាធិបតេយ្យសង្ឃឹមថានឹងអាចបង្កើតរបត់ថ្មីមួយជាលើកដំបូងក្នុងរយៈពេល ៣២ ឆ្នាំ។
អ្នកបោះឆ្នោតនៅជិតទីក្រុង Dallas បានប្រាប់បណ្តាញព័ត៌មាន CNN ថា ពួកគេនៅតែពិបាកនឹងជឿថា រដ្ឋ Texas អាចក្លាយជារដ្ឋដែលមានការប្រកួតប្រជែងយ៉ាងខ្លាំងក្លា (battleground state)នៅក្នុងការបោះឆ្នោតលើកនេះ។ តាមដានទិន្នន័យស្តីពីការបោះឆ្នោតមុនកាលកំណត់របស់ CNN នៅទីនេះ។
ការត្រួតពិនិត្យបញ្ជីឈ្មោះអ្នកបោះឆ្នោត៖ អាជ្ញាធរសហព័ន្ធបានចោទប្រកាន់ជនបរទេសជាង ២៤ នាក់នៅក្នុងរដ្ឋ California ដែលជាផ្នែកមួយនៃប្រតិបត្តិការត្រួតពិនិត្យទូទាំងរដ្ឋ ដោយផ្តោតលើបុគ្គលដែលមន្ត្រីអះអាងថា បានចុះឈ្មោះ និងចូលរួមបោះឆ្នោតនៅសហរដ្ឋអាមេរិកដោយខុសច្បាប់៕
