រដ្ឋមន្ត្រីសន្តិសុខជាតិអ៊ីស្រាអែល លោក អ៊ីតាម៉ា បេន-ហ្គវីរ (Itamar Ben-Gvir) បានអំពាវនាវឱ្យរំលាយអាជ្ញាធរប៉ាឡេស្ទីន បន្ទាប់ពីមានហេតុការណ៍បាញ់ប្រហារមួយនៅជិតទីក្រុងហេប្រុន ក្នុងតំបន់វេសប៊ែង ដែលអ៊ីស្រាអែលកំពុងកាន់កាប់។ ហេតុការណ៍នេះបានបណ្ដាលឱ្យជនជាតិអ៊ីស្រាអែល ៥នាក់រងរបួស។
សារព័ត៌មានTRT world នៅថ្ងៃទី២៣ខែតុលា។
លោក បេន-ហ្គវីរ បាននិយាយកាលពីថ្ងៃសុក្រថា អ៊ីស្រាអែលត្រូវចាត់វិធានការឱ្យបានឆាប់ ដោយទាមទារឱ្យរំលាយអាជ្ញាធរប៉ាឡេស្ទីន ដកហូតសមត្ថភាពយោធា និងលុបបំបាត់បណ្ដាញដែលអ៊ីស្រាអែលចាត់ទុកថាពាក់ព័ន្ធនឹងអំពើភេរវកម្ម។
ទោះជាយ៉ាងណា មិនទាន់មានភស្តុតាងបញ្ជាក់ថា អាជ្ញាធរប៉ាឡេស្ទីនមានជាប់ពាក់ព័ន្ធនឹងការបាញ់ប្រហារនេះទេ។ ការអំពាវនាវនេះកើតឡើងប៉ុន្មានថ្ងៃមុនការបោះឆ្នោតនៅអ៊ីស្រាអែល៕
