(បាត់ដំបង)៖ នៅព្រឹកថ្ងៃទី៣០ ខែតុលា ឆ្នាំ២០២៦ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញជាអធិបតីដ៏ខ្ពង់ខ្ពស់ពិធីសំណេះសំណាល ចែកពូជស្រូវ និងស្បៀង ជូនប្រជាពលរដ្ឋ ដែលរងផលប៉ះពាល់ដោយសារទឹកជំនន់ទឹកភ្លៀងក្នុងខេត្តបាត់ដំបង ខណៈពិធីនេះប្រព្រឹត្តទៅនៅភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង។
សូមជម្រាបថា ស្ថានភាពគ្រោះទឹកជំនន់ទឹកភ្លៀង នៅភូមិសាស្ត្រខេត្តបាត់ដំបង បានប៉ះពាល់១៤ក្រុង/ស្រុក ស្មើនឹង៨៨ឃុំ/សង្កាត់ បណ្តាលឱ្យខូចខាត និងប៉ះពាល់ដំណាំស្រូវសរុប ១២៣ ០៧២ហិកតា និងគ្រួសារដែលប៉ះពាល់សរុប ៥៨ ១០៣គ្រួសារ៕
