បុរសជនជាតិវេណេស៊ុយអេឡា ម្នាក់ត្រូវបានចាប់ខ្លួន នៅជិតសេតវិមាន ពាក់ព័ន្ធ គំរាមសម្លាប់ប្រធានាធិបតីសហរដ្ឋអាមេរិក លោក ដូណាល់ ត្រាំ។
សារព័ត៌មានAnadolu។
ក្រសួងសន្តិសុខមាតុភូមិ(DHS) បានឱ្យដឹងកាលពីថ្ងៃសុក្រទី០៦.១១.២០២៦ថា មន្ត្រីនៃភ្នាក់ងារសន្តិសុខសម្ងាត់ បានចូលទៅជិតបុរសរូបនោះកាលពីល្ងាច ថ្ងៃព្រហស្បតិ៍ បន្ទាប់ពីបានសង្កេតឃើញគាត់មានឥរិយាបថគួរឱ្យសង្ស័យ នៅក្នុងរថយន្តមួយគ្រឿងដែលចតទុក ក្នុងទីក្រុងវ៉ាស៊ីនតោន ឌីស៊ី។
ជនសង្ស័យបានប្រាប់មន្ត្រីទាំងនោះថា មានសំឡេង នៅក្នុងក្បាលរបស់គាត់បានបញ្ជាឱ្យគាត់ធ្វើដំណើរមកកាន់រដ្ឋធានី ដើម្បីសម្លាប់លោក ត្រាំ។
មន្ត្រីបានឆែកឆេររថយន្តនោះ ដែលត្រូវបានរាយការណ៍ថាជាយានយន្តដែលគេលួចយកមក ហើយបានរកឃើញអាវុធចំនួន៣ ដើម រួមមានកាំភ្លើងវែងប្រភេទ AR-15 មួយដើម និងកាំភ្លើងខ្លី២ដើម ព្រមទាំងគ្រាប់កាំភ្លើងជាច្រើនគ្រាប់។
ក្រសួងសន្តិសុខមាតុភូមិ (DHS) បានបញ្ជាក់ថា ជនសង្ស័យដែលមានឈ្មោះថា Ronny Yordrix Guanipa Chrinos គឺជាជនអន្តោប្រវេសន៍ខុសច្បាប់៕
