អ៊ីរ៉ង់ បដិសេធរបាយការណ៍ដែលចោទខ្លួនថាមានជាប់ពាក់ព័ន្ធនឹងការធ្វើឃាតមនុស្សម្នាក់នៅប្រទេសក្រិក!

កាលពីថ្ងៃទី១៨ ខែវិច្ឆិកា ស្ថានទូតអ៊ីរ៉ង់ប្រចាំទីក្រុងអាថែន ប្រទេសក្រិក បានបដិសេធរបាយការណ៍សារព័ត៌មានដែលចោទថា អ៊ីរ៉ង់មានជាប់ពាក់ព័ន្ធនឹងផែនការធ្វើឃាតមនុស្សម្នាក់នៅប្រទេសក្រិក ដោយចាត់ទុកការចោទប្រកាន់នេះថា គ្មានមូលដ្ឋានច្បាស់លាស់។

សារព័ត៌មានAnadolu Agency។

ស្ថានទូតអ៊ីរ៉ង់បានចោទប្រកាន់អ៊ីស្រាអែលថា កំពុងប្រើប្រាស់ព័ត៌មានមិនពិត និងយុទ្ធនាការឃោសនា ដើម្បីបង្ខូចកេរ្តិ៍ឈ្មោះរបស់អ៊ីរ៉ង់ និងបង្កសម្ពាធផ្លូវចិត្តលើសាធារណជន។

ការបដិសេធនេះធ្វើឡើង បន្ទាប់ពីសារព័ត៌មានក្រិកបានរាយការណ៍ថា សេវាស៊ើបការណ៍សម្ងាត់របស់ប្រទេសនេះ បានរកឃើញផែនការធ្វើឃាតមនុស្សម្នាក់ដែលមិនត្រូវបានបង្ហាញអត្តសញ្ញាណ និងបានឃាត់ខ្លួនជនជាតិម៉ាសេដូនខាងជើងចំនួន ៥ នាក់ ដែលសង្ស័យថាត្រៀមរៀបចំការវាយប្រហារនេះ។

របាយការណ៍បានអះអាងថា ជនសង្ស័យទាំង៥នាក់ បានរៀបចំផែនការវាយប្រហារតាមការបញ្ជារបស់ជនជាតិអ៊ីរ៉ង់ម្នាក់ឈ្មោះ Edris Jahangiri Mavaneh ដែលត្រូវបានចោទថាមានទំនាក់ទំនងជាមួយសេវាស៊ើបការណ៍សម្ងាត់អ៊ីរ៉ង់។

ទោះជាយ៉ាងណា អ៊ីរ៉ង់បានបដិសេធការចោទប្រកាន់ទាំងនេះ និងអំពាវនាវឱ្យសាធារណជនប្រុងប្រយ័ត្នចំពោះព័ត៌មានដែលខ្លួនចាត់ទុកថាជាការបំភាន់៕

Leave a Reply

Your email address will not be published. Required fields are marked *