តៃវ៉ាន់ បានចេញការព្រមានអំពីដីគោកនៅថ្ងៃទី១១ ខែវិច្ឆិកា និងបានជម្លៀសមនុស្សជាង៣.០០០ នាក់មុនពេលការមកដល់នៃព្យុះទីហ្វុងហ្វុងវុង ។
ដែលទោះបីជាកំពុងចុះខ្សោយ ក៏ដោយ ត្រូវបានគេរំពឹងថា នឹងមានភ្លៀងធ្លាក់ច្រើននៅលើឆ្នេរសមុទ្រភាគខាងកើតភ្នំរបស់កោះនេះ។
នេះបើយោងតាមការចេញផ្សាយដោយ Reuters។
ព្យុះ Fung-wong ត្រូវបានព្យាករថា នឹងបក់បោកដល់តំបន់ដីគោក នៃឆ្នេរភាគនិរតីកោះតៃវ៉ាន់ នៅជុំវិញទីក្រុងកំពង់ផែ Kaohsiung នៅថ្ងៃពុធសប្ដាហ៍នេះ ។
បន្ទាប់ពីវាយប្រហារលើ ហ្វីលីពីនសម្លាប់មនុស្ស៦នាក់ ព្យុះនេះក៏ត្រូវបានគេរំពឹងដែរថានឹងបក់បោកឆ្លងកាត់ផ្នែកខាងក្រោមនៃកោះតៃវ៉ាន់ ហើយចូលទៅកាន់មហាសមុទ្រប៉ាស៊ីហ្វិកនៅតាមបណ្ដោយឆ្នេរនៃ តំបន់មានប្រជាជនរស់នៅច្រើននៃភាគខាងកើតដូចជាទីក្រុង Taitung និង Hualien។
មេដឹកនាំតៃវ៉ាន់ លោក Lai Ching-te បង្ហោះសារនៅលើទំព័រ Facebook របស់លោកថាប្រជាជនមិនគួរធ្វើដំណើរទៅកាន់តំបន់ភ្នំ ឬទៅតំបន់ឆ្នេរ ឬក៏តំបន់អាចមានគ្រោះថ្នាក់ នោះទេ។
គួរបញ្ជាក់ថា កាលពីខែកញ្ញា មនុស្ស១៨នាក់ បានស្លាប់ដោយសារទឹកជំនន់ នៅក្នុងទីក្រុង Hualien ដែលបង្កឡើងដោយព្យុះទីហ្វុងមួយ៕