ប្រធានសន្និសីទCOP31 ប្រកាសថាជិតសម្រេចកិច្ចព្រមព្រៀងថ្មីស្តីពីការប្រែប្រួលអាកាសធាតុហើយ!

នៅថ្ងៃអាទិត្យ ទី២២ ខែវិច្ឆិកា ឆ្នាំ២០២៦ ប្រធានសន្និសីទ COP31 លោក Murat Kurum បានប្រកាសថា កិច្ចចរចាស្តីពីការប្រែប្រួលអាកាសធាតុបានឈានជិតដល់ការសម្រេចកិច្ចព្រមព្រៀងចុងក្រោយហើយ។
សារព័ត៌មានReuter។

សេចក្តីព្រាងកិច្ចព្រមព្រៀងថ្មីនេះ ត្រូវបានរៀបចំឡើងក្រោយការចរចាយ៉ាងតឹងតែងរវាងប្រទេសអូស្ត្រាលី តួកគី និងគណៈប្រតិភូមកពីប្រទេសជិត ២០០ ដើម្បីស្វែងរកដំណោះស្រាយរួមក្នុងការប្រយុទ្ធប្រឆាំងនឹងការឡើងកម្តៅផែនដី។

លោក Murat Kurum បានបញ្ជាក់ថា សេចក្តីព្រាងថ្មីនេះមានលក្ខខណ្ឌដែលគ្រប់ភាគីអាចទទួលយកបាន ហើយសន្និសីទនឹងបន្តប្រជុំនៅព្រឹកថ្ងៃអាទិត្យ ដើម្បីអនុម័តកិច្ចព្រមព្រៀង។

កិច្ចព្រមព្រៀងនេះផ្តោតលើការដោះស្រាយបញ្ហាការប្រើប្រាស់ឥន្ធនៈហ្វូស៊ីល និងការផ្តល់ជំនួយហិរញ្ញវត្ថុដល់ប្រទេសកំពុងអភិវឌ្ឍន៍ ដើម្បីជួយពួកគេឆ្លើយតបនឹងផលប៉ះពាល់នៃការប្រែប្រួលអាកាសធាតុ។

សន្និសីទ COP31 ឆ្នាំនេះ ក៏កើតឡើងក្នុងពេលដែលសីតុណ្ហភាពផែនដីត្រូវបានព្យាករថា អាចកើនឡើងលើសកម្រិត ១,៥ អង្សាសេ ដែលជាកម្រិតដែលប្រទេសនានាបានព្រមព្រៀងគ្នាថា គួរតែជៀសវាង ដើម្បីកាត់បន្ថយគ្រោះមហន្តរាយអាកាសធាតុធ្ងន់ធ្ងរ៕

Leave a Reply

Your email address will not be published. Required fields are marked *