ស្លាប់សិស្សចំនួន៤នាក់និង២នាក់រងរបួស ដោយសារគ្រាប់កាំភ្លើងត្បាល់ផ្ទុះនៅអាហ្វហ្គានីស្ថាន!

សិស្សយ៉ាងហោចណាស់៤នាក់បានស្លាប់ និង២នាក់ទៀតរងរបួស បន្ទាប់ពីគ្រាប់កាំភ្លើងត្បាល់ចាស់ដែលបន្សល់ទុកពីជម្លោះកន្លងមកបានផ្ទុះឡើង កាលពីថ្ងៃសុក្រ ទី២០ ខែវិច្ឆិកា ឆ្នាំ២០២៦ នៅខេត្ត Farah ភាគខាងលិចប្រទេសអាហ្វហ្គានីស្ថាន។
សារព័ត៌មានAnadolu Agency។

ហេតុការណ៍នេះបានកើតឡើងនៅវេលាថ្ងៃត្រង់ ក្នុងស្រុក Bakwa បន្ទាប់ពីសិស្សមកពីសាលាសាសនា Fahim Agha បានប៉ះពាល់នឹងគ្រាប់កាំភ្លើងត្បាល់ដែលមិនទាន់ផ្ទុះ។

យោងតាមអ្នកនាំពាក្យបញ្ជាការដ្ឋាននគរបាលខេត្ត Farah ជនរងគ្រោះទាំងអស់មានអាយុចន្លោះពី១០ ដល់១៦ឆ្នាំ។

ហេតុការណ៍នេះបង្ហាញពីគ្រោះថ្នាក់នៃគ្រាប់យុទ្ធភណ្ឌមិនទាន់ផ្ទុះ ដែលនៅសេសសល់ពីសង្គ្រាម និងជម្លោះកន្លងមក ហើយនៅតែបង្កគ្រោះថ្នាក់ដល់ប្រជាជន ជាពិសេសកុមារ នៅក្នុងប្រទេសអាហ្វហ្គានីស្ថាន៕

Leave a Reply

Your email address will not be published. Required fields are marked *