រដ្ឋមន្ត្រីការបរទេសអ៊ីរ៉ង់ថា ត្រូវបំបែកការបិទខ្ទប់ផ្លូវសមុទ្ររបស់អាមេរិក ដើម្បីខ្លួនអាចបន្តនាំចេញប្រេងទៅកាន់ទីផ្សារអន្តរជាតិ!

រដ្ឋមន្ត្រីការបរទេសអ៊ីរ៉ង់ លោក អាប់បាស អារ៉ាក់ឈី (Abbas Araghchi) បានថ្លែងកាលពីថ្ងៃសុក្រ ទី២០ ខែវិច្ឆិកា ថា ការបិទខ្ទប់ផ្លូវសមុទ្រដោយសហរដ្ឋអាមេរិក ត្រូវតែបំបែកចេញ ដើម្បីឱ្យអ៊ីរ៉ង់អាចបន្តនាំចេញប្រេងទៅកាន់ទីផ្សារអន្តរជាតិបាន។
សារព័ត៌មានAnadolu Agency។

ថ្លែងទៅកាន់អ្នកសារព័ត៌មាននៅទីក្រុងតេអេរ៉ង់ លោកបានបញ្ជាក់ថា អ៊ីរ៉ង់កំពុងប្រឹងប្រែងគ្រប់មធ្យោបាយ ដើម្បីធានាការនាំចេញប្រេង និងបន្តការចរចា។ លោកបានលើកឡើងដូច្នេះ នៅពេលត្រូវបានសួរអំពីព័ត៌មានដែលថា អ៊ីរ៉ង់កំពុងត្រៀមប្រឈមមុខនឹងការបិទខ្ទប់របស់អាមេរិក។

ជាមួយគ្នានេះ ទីភ្នាក់ងារព័ត៌មាន Fars របស់អ៊ីរ៉ង់ បានផ្សព្វផ្សាយរូបភាពមួយដែលយោងទៅលើរឿងព្រេងបុរាណពែរ្ស «Shahnameh» ដោយបង្ហាញពីឧបសគ្គដែលតួអង្គ Fereydun និងកងទ័ពរបស់ខ្លួនជួបប្រទះ ពេលព្យាយាមឆ្លងកាត់ទន្លេ Shatt al-Arab។ រូបភាពនោះក៏មាននាវាដឹកប្រេងជាច្រើនដែលបង្ហោះទង់ជាតិអ៊ីរ៉ង់ផងដែរ ដែលគេយល់ថាជាការបង្ហាញពីការអំពាវនាវឱ្យបំបែកការបិទខ្ទប់ផ្លូវសមុទ្ររបស់អាមេរិក។

គួរបញ្ជាក់ថា អ៊ីរ៉ង់បានបិទច្រកសមុទ្រ Hormuz កាលពីថ្ងៃទី២ ខែមីនា បន្ទាប់ពីសង្គ្រាមរវាងសហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់បានចាប់ផ្តើម។ ជាការឆ្លើយតប អាមេរិកបានដាក់ចេញវិធានការបិទខ្ទប់ផ្លូវសមុទ្ររបស់អ៊ីរ៉ង់ កាលពីថ្ងៃទី១៣ ខែមេសា ដែលបានធ្វើឱ្យការនាំចេញប្រេងរបស់អ៊ីរ៉ង់រងការរំខានយ៉ាងខ្លាំង៕

Leave a Reply

Your email address will not be published. Required fields are marked *