ប្រធានាធិបតីបារាំង លោក Emmanuel Macron កាលពីថ្ងៃសុក្រទី២៨ខែវិច្ឆិកា បានប្រកាសពីផែនការហាមឃាត់ទូរស័ព្ទចល័តពីសាលាមធ្យមសិក្សាដល់វិទ្យាល័យ។
ប្រភពពីសារព័ត៌មានAANews។
លោក Macron បានថ្លែងទៅកាន់អ្នកអានកាសែតក្រុម Ebra នៅក្នុងឃុំ Mirecourt ភាគឦសាន Vosges ថា យើងបានដកទូរស័ព្ទចេញពីសាលាមធ្យមសិក្សា។ យើងទំនងជានឹងពង្រីករឿងនេះដល់វិទ្យាល័យនៅឆ្នាំសិក្សាក្រោយ។
លោកបានបញ្ជាក់ជាថ្មីថា រដ្ឋមន្ត្រីក្រសួងអប់រំ លោក Edouard Geffrayកំពុងស៊ើបអង្កេតរឿងនេះ។
លោក Macron បានគូសបញ្ជាក់ថាវាជាកន្លែងដែលអ្នករៀន ហើយវាជាកន្លែងដែលអ្នកប្រាស្រ័យទាក់ទងគ្នាដោយបានគូសបញ្ជាក់បន្ថែមទៀតអំពីការកើនឡើងនៃភាពឯកោ និងបញ្ហាសុខភាពផ្លូវចិត្តក្នុងចំណោមយុវជន។
លោកបានសង្កត់ធ្ងន់ថាមានសង្គ្រាមព័ត៌មានកំពុងត្រូវបានធ្វើឡើងដោយមហាអំណាចបរទេស។
លោក Macron ក៏បានជំរុញឱ្យបារាំងកាន់តែរឹងមាំទាំងផ្នែកយោធា និងបច្ចេកវិទ្យា៕