កម្មវិធីស្បៀងអាហារពិភពលោក (WFP) បានឱ្យដឹងថា ប្រជាជនប្រមាណ២៨,៨លាននាក់នៅកុងហ្គោ កំពុងប្រឈមនឹងភាពអត់ឃ្លាន និងកង្វះស្បៀងអាហារធ្ងន់ធ្ងរ។ ក្នុងចំណោមនោះ មានប្រជាជនប្រមាណ ៣,៦ លាននាក់ កំពុងស្ថិតក្នុងស្ថានភាពអាសន្នដោយសារខ្វះអាហារ។
សារព័ត៌មានAnadolu Agency នៅថ្ងៃទី១៣ខែវិច្ឆិកា។
តាមការព្យាករណ៍របស់ WFP ចំនួនប្រជាជនដែលប្រឈមនឹងបញ្ហានេះ អាចកើនឡើងលើសពី ៣០ លាននាក់ នៅចន្លោះខែមករា ដល់ខែមិថុនា ឆ្នាំ២០២៧។
ខេត្តដែលរងផលប៉ះពាល់ខ្លាំងជាងគេ គឺខេត្តគីវូខាងជើង គីវូខាងត្បូង និងអ៊ីទូរី ដែលស្ថិតនៅភាគខាងកើតប្រទេស។ មូលហេតុសំខាន់គឺជម្លោះប្រដាប់អាវុធ និងអំពើហិង្សាដែលកំពុងបន្តកើតមាន ធ្វើឱ្យប្រជាជនមិនអាចចូលទៅធ្វើកសិកម្មបាន ប៉ះពាល់ដល់ការផលិតស្បៀង និងការរកស៊ីចិញ្ចឹមជីវិត។
មន្ត្រីអង្គការសហប្រជាជាតិបានព្រមានថា វិបត្តិនេះកំពុងប៉ះពាល់ដល់ស្ត្រី កុមារ និងប្រជាជនដែលត្រូវបង្ខំចិត្តចាកចេញពីផ្ទះសម្បែង។ ជាមួយគ្នានេះ ក្រសួងកសិកម្មកុងហ្គោបានបញ្ជាក់ថា រដ្ឋាភិបាលនឹងខិតខំបង្កើនធនធាន ដើម្បីដោះស្រាយបញ្ហាខ្វះស្បៀងអាហារនៅតាមសហគមន៍៕
