សហរដ្ឋអាមេរិកបានគ្រប់គ្រងប្រាក់ចំណូលពីការលក់ប្រេង និងធនធានធម្មជាតិរបស់ប្រទេសវេណេស៊ុយអេឡា ក្នុងទំហំជាង១២ពាន់លានដុល្លារ ក្នុងរយៈពេល៩ខែដំបូងនៃឆ្នាំ២០២៦។
សារព័ត៌មានReuter នៅថ្ងៃទី១៣ខែវិច្ឆិកា។
តាមរបាយការណ៍ ប្រាក់ចំណូលទាំងនេះត្រូវបានដាក់ចូលក្នុងគណនីរតនាគាររបស់សហរដ្ឋអាមេរិក ដោយអ្នកទិញប្រេង និងធនធានធម្មជាតិរបស់វេណេស៊ុយអេឡា។ បន្ទាប់មក ប្រាក់ត្រូវបានបញ្ចេញទៅឱ្យរដ្ឋាភិបាលបណ្ដោះអាសន្នរបស់វេណេស៊ុយអេឡា ដែលកំពុងធ្វើការយ៉ាងជិតស្និទ្ធជាមួយទីក្រុងវ៉ាស៊ីនតោន។
របាយការណ៍ក៏បានបញ្ជាក់ថា ប្រាក់ជិត ៩៩% នៃចំនួនសរុបដែលបានដាក់ក្នុងគណនី ត្រូវបានបញ្ចេញទៅប្រើប្រាស់រួចហើយ។ ក្នុងនោះ ប្រាក់ភាគច្រើនត្រូវបានប្រើសម្រាប់ការដេញថ្លៃប្ដូររូបិយប័ណ្ណបរទេសនៅក្នុងប្រទេសវេណេស៊ុយអេឡា។
គួរបញ្ជាក់ថា ការរៀបចំគ្រប់គ្រងប្រាក់ចំណូលនេះបានកើតឡើង បន្ទាប់ពីរដ្ឋបាលរបស់ប្រធានាធិបតី ដូណាល់ ត្រាំ បានចាប់ខ្លួនអតីតប្រធានាធិបតី នីកូឡាស ម៉ាឌូរ៉ូ កាលពីខែមករា ឆ្នាំ២០២៦។ ចំណែករដ្ឋមន្ត្រីការបរទេសអាមេរិក លោក ម៉ាកូ រូប៊ីអូ ជាអ្នកកំណត់ថា តើប្រាក់ណាខ្លះអាចត្រូវបានអនុញ្ញាតឱ្យបញ្ចេញ៕
