ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី បានប្រកាសថា រុស្ស៊ី និងអ៊ុយក្រែនបានព្រមព្រៀងគ្នាលើការដោះដូរអ្នកទោសសង្គ្រាម ដែលនឹងក្លាយជាការដោះដូរដ៏ធំបំផុតមិនធ្លាប់មានចាប់តាំងពីសង្គ្រាមបានចាប់ផ្ដើម។
សារព័ត៌មានAnadolu Agency នៅថ្ងៃទី១៣ខែវិច្ឆិកា។
លោកបានចាត់ទុកកិច្ចព្រមព្រៀងនេះថា ជាលទ្ធផលជាក់ស្ដែងនៃការចរចាសន្តិភាព និងជាសញ្ញាបង្ហាញពីក្តីសង្ឃឹមក្នុងការបញ្ចប់សង្គ្រាមរវាងប្រទេសទាំងពីរ។
លោក ហ្សេឡេនស្គី ក៏បានបញ្ជាក់ថា ក្នុងជុំចរចាបន្ទាប់ តំណាងអឺរ៉ុបនឹងចូលរួមជាផ្នែកមួយនៃក្រុមចរចាផ្លូវការ ដើម្បីចូលរួមផ្តល់យោបល់ និងពិភាក្សាអំពីសន្តិសុខ និងអនាគតរបស់អ៊ុយក្រែនក្នុងសហភាពអឺរ៉ុប។
ការប្រកាសនេះធ្វើឡើងបន្ទាប់ពីកិច្ចចរចាសន្តិភាពដែលមានសហរដ្ឋអាមេរិកជាអ្នកសម្របសម្រួល នៅទីក្រុងអាប៊ូដាប៊ី ប្រទេសអេមីរ៉ាតអារ៉ាប់រួម។ ទន្ទឹមនឹងនេះ ប្រធានាធិបតីរុស្ស៊ី លោក វ្ល៉ាឌីមៀ ពូទីន ក៏បានជួបជាមួយបេសកជនពិសេសរបស់ប្រធានាធិបតីអាមេរិក ដើម្បីពិភាក្សាអំពីបញ្ហាសង្គ្រាមអ៊ុយក្រែនផងដែរ៕
