ប្រធានាធិបតីអាមេរិក ដូណាល់ ត្រាំ បាននិយាយកាលពីថ្ងៃពុធទី៣ខែធ្នូ ថាសមភាគីរុស្ស៊ីរបស់លោក គឺលោក វ្ល៉ាឌីមៀរ ពូទីន ចង់បញ្ចប់សង្គ្រាមជាមួយអ៊ុយក្រែន។
ប្រភពពីសារព័ត៌មានReuters។
លោក ត្រាំ បានប្រាប់អ្នកយកព័ត៌មាននៅសេតវិមានថា លោកចង់បញ្ចប់សង្គ្រាម។ការកត់សម្គាល់របស់លោកបានកើតឡើងបន្ទាប់ពីលោក ពូទីន បានជួបជាមួយលោក វីតខូហ្វ និងលោក គូសនើរ នៅទីក្រុងមូស្គូ កាលពីថ្ងៃអង្គារ សម្រាប់ការពិភាក្សាលើសេចក្តីព្រាងផែនការសន្តិភាពដែលបានកែសម្រួលរបស់ទីក្រុងវ៉ាស៊ីនតោនសម្រាប់អ៊ុយក្រែន។
លោក ត្រាំ បាននិយាយថា លោកបាននិយាយជាមួយលោក វីតខូហ្វ និងលោក គូសនើរ កាលពីយប់ថ្ងៃអង្គារ។
លោក បានមានប្រសាសន៍ថាខ្ញុំអាចប្រាប់អ្នកថា ពួកគេមានកិច្ចប្រជុំដ៏ល្អជាមួយប្រធានាធិបតី ពូទីន។
គួរជម្រាបដែរថា កិច្ចព្រមព្រៀងសន្តិភាពទាំង 28 ចំណុចដែលតាក់តែងឡើងដោយអាមេរិក ដើម្បីបញ្ចប់សង្គ្រាមរវាង រុស្ស៊ី និងអ៊ុយក្រែន ត្រូវបានជាប់គាំង បន្ទាប់ពីប្រធានាធិបតីអ៊ុយក្រែន លោក Zelenskyy បានបដិសេធ និងអះអាងថា កិច្ចព្រមព្រៀងសន្តិភាពទាំង 28 ចំណុចរបស់ទីក្រុងម៉ាស៊ីនតោន មានភាពលំអៀងទៅរកទីក្រុងមូស្គូ៕