អ្នកតាំងលំនៅអ៊ីស្រាអែល បានបំផ្លាញបំពង់ផ្គត់ផ្គង់ទឹកតែមួយគត់ទៅកាន់ភូមិUmm Safa ក្នុងតំបន់West Bank ដែលអ៊ីស្រាអែលកាន់កាប់ បណ្តាលឱ្យប្រជាពលរដ្ឋក្នុងភូមិគ្មានទឹកប្រើប្រាស់។
ប្រភពពីសារព័ត៌មានTRT World នៅថ្ងៃទី១៦ខែមិថុនា។
តាមប្រភពក្នុងស្រុក ការខូចខាតនេះបានកើតឡើងអំឡុងពេលសាងសង់ផ្លូវថ្មីសម្រាប់តំបន់តាំងលំនៅអ៊ីស្រាអែលនៅជិតភូមិ។ គ្រឿងចក្របានឈូសឆាយដី និងកាត់ផ្តាច់បំពង់ទឹកសំខាន់ដែលផ្គត់ផ្គង់ទឹកដល់ប្រជាជនទាំងមូល។
សូមបញ្ជាក់ថា៖ ភូមិ Umm Safa ស្ថិតនៅភាគពាយ័ព្យនៃ Ramallah ហើយប្រជាជននៅទីនោះបានអះអាងថា ពួកគេកំពុងប្រឈមនឹងសម្ពាធកាន់តែខ្លាំងពីការពង្រីកតំបន់តាំងលំនៅ និងការរឹតត្បិតលើការចូលទៅកាន់ដីកសិកម្មរបស់ពួកគេ៕
