មេដឹកនាំកូរ៉េខាងជើង លោក គីម ជុងអ៊ុន បានត្រួតពិនិត្យសមយុទ្ធបាញ់មីស៊ីលបញ្ជាទិសយុទ្ធសាស្ត្ររយៈចម្ងាយឆ្ងាយមួយ កាលពីថ្ងៃទី 28 ខែធ្នូ ឆ្នាំ 2025 នេះបើយោងតាមការចេញផ្សាយរបស់ប្រព័ន្ធផ្សព្វផ្សាយរដ្ឋ កូរ៉េខាងជើង។
ប្រភពពីសារព័ត៌មានReuters។
ទីភ្នាក់ងារសារព័ត៌មានកណ្តាលកូរ៉េ (KCNA) បានបង្ហាញថា មីស៊ីលមួយគ្រាប់ត្រូវបានបាញ់ឡើងនៅទីតាំងមិនបានបង្ហាញ។ នៅថ្ងៃដដែលនោះ កូរ៉េខាងត្បូងបានបញ្ជាក់ថា ខ្លួនបានរកឃើញការបាញ់មីស៊ីលជាច្រើនគ្រាប់ពីភាគខាងជើង ដែលបង្កើនការព្រួយបារម្ភអំពីស្ថានការណ៍សន្តិសុខនៅឧបទ្វីបកូរ៉េ។
អ្នកវិភាគបានឲ្យដឹងថា សកម្មភាពយោធារបស់លោក គីម ជុងអ៊ុន គឺមានបំណងបង្ហាញវឌ្ឍនភាពផ្នែកយោធា និងសេដ្ឋកិច្ច មុនពេលសមាជបក្សសំខាន់ៗដែលគ្រោងនឹងប្រព្រឹត្តទៅនាពេលខាងមុខ។ ទន្ទឹមនឹងនេះ សារព័ត៌មាន Yonhap របស់កូរ៉េខាងត្បូង បានរាយការណ៍ថា កូរ៉េខាងជើងអាចនឹងបន្តសាកល្បងមីស៊ីលបន្ថែមទៀត នៅជុំវិញឱកាសចូលឆ្នាំថ្មី៕
សកម្មភាពនេះត្រូវបានមើលឃើញថា នឹងបន្តធ្វើឲ្យតង់ស្យុងក្នុងតំបន់ និងទំនាក់ទំនងជាមួយសហរដ្ឋអាមេរិក និងមិត្តរួមតំបន់ កាន់តែតឹងរ៉ឹង។