នៅ(ថ្ងៃទី១០ខែមករា)យោធាចិន រុស្ស៊ី និងអ៊ីរ៉ង់ ចាប់ផ្តើមការធ្វេីសមយុទ្ធកងទ័ពជើងទឹករួមគ្នា ដែលមានរយៈពេល ១សប្តាហ៍ នៅក្នុងដែនទឹករបស់អាហ្រ្វិកខាងត្បូង ជាប្រតិបត្តិការ BRICS Plus ដើម្បីធានាសុវត្ថិភាពនៃការដឹកជញ្ជូន និងសកម្មភាពសេដ្ឋកិច្ចដែនសមុទ្រ។
សារព័ត៌មាន Reuters។
BRICS Plus គឺជាការពង្រីកខ្លួន នៃប្លុកភូមិសាស្ត្រនយោបាយ ដែលដើមឡើយរួមមានប្រទេសប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង ។
ប្រទេសជាសមាជិកចាត់ទុកថា ដេីម្បីប្រឆាំងនឹងការត្រួតត្រាសេដ្ឋកិច្ចរបស់សហរដ្ឋអាមេរិក និងលោកខាងលិច ដោយការរួមបញ្ចូលប្រទេសចំនួន ៥ផ្សេងទៀត ដូចជាអេហ្ស៉ីប ឥណ្ឌូណេស៊ីអារ៉ាប៊ីសាអូឌីត អេត្យូពី និងអេមីរ៉ាត់ អារ៉ាប់រួម។
យោធាចិន ដែលដឹកនាំពិធិបើកសមយុទ្ធ បាននិយាយថា ប្រេស៊ីល អេហ្ស៊ីប និងអេត្យូពី បានចូលរួមជាអ្នកសង្កេតការណ៍។ សេចក្តីថ្លែងការណ៍របស់យោធា បានគូសបញ្ជាក់ថា សមយុទ្ធ WILL FOR PEACE 2026 ប្រមូលផ្តុំកងទ័ពជើងទឹកមកពីប្រទេស BRICS Plus សម្រាប់ប្រតិបត្តិការសុវត្ថិភាព ដែនសមុទ្ររួមគ្នា និងសមយុទ្ធអន្តរប្រតិបត្តិការអាហ្រ្វិកខាងត្បូង៕