យោធាអ៊ីរ៉ង់ បានព្រមាននៅ(ថ្ងៃសៅរ៍ទី១០ខែមករា)ថា ការពារសន្តិសុខគឺជាបន្ទាត់ក្រហម។
ខណៈយោធាប្តេជ្ញាការពារទ្រព្យសម្បត្តិសាធារណៈ មន្រ្តីអនុវត្តច្បាប់បង្កើនកិច្ចប្រឹងប្រែង ដើម្បីលុបបំបាត់ការតវ៉ា ដែលកំពុងរីករាលដាលទូទាំងប្រទេសអ៊ីរ៉ង់។
សារព័ត៌មាន Reuters។
ប្រធានាធិបតីអាមេរិក លោក ដូណាល់ ត្រាំ បានចេញសារគំរាមជាថ្មីដល់មេដឹកនាំអ៊ីរ៉ង់កាលពីថ្ងៃសុក្រ។
រដ្ឋមន្ត្រីការបរទេសលោក Marco Rubio នៅថ្ងៃសៅរ៍នេះ ប្រកាសថា សហរដ្ឋអាមេរិក គាំទ្រប្រជាជនដ៏ក្លាហានរបស់អ៊ីរ៉ង់។
ភាពចលាចលនៅអ៊ីរ៉ង់ បានបន្តពេញមួយយប់មិញ ប្រព័ន្ធផ្សព្វផ្សាយរដ្ឋរាយការណ៍ថា អគារសាលាក្រុងមួយត្រូវបានដុតនៅក្នុងទីក្រុង Karaj ភាគខាងលិចនៃទីក្រុងតេហេរ៉ង់ ហើយស្តីបន្ទោសទៅលេីក្រុមអ្នកបះបោរ។
ទូរទស្សន៍រដ្ឋបានចាក់ផ្សាយវីដេអូបុណ្យសពសមាជិក នៃកងកម្លាំងសន្តិសុខ ដោយនិយាយថា ត្រូវបានសម្លាប់ក្នុងការតវ៉ា នៅទីក្រុង Shiraz, Qom និង Hamedan។
បាតុកម្ម បានរាលដាលពាសពេញប្រទេសអ៊ីរ៉ង់ ក្នុងរយៈពេលពីរសប្តាហ៍ចុងក្រោយនេះ ។
ដោយចាប់ផ្តើមចេញពីបញ្ហាកើនឡើងនៃអតិផរណា ប៉ុន្តែបានប្រែក្លាយជារឿងនយោបាយយ៉ាងឆាប់រហ័ស ។
ដោយក្រុមអ្នកតវ៉ាទាមទារឱ្យបញ្ចប់ការគ្រប់គ្រង របស់មន្រ្តីអនុវត្តច្បាប់។ អាជ្ញាធរអ៊ីរ៉ង់ បានចោទប្រកាន់សហរដ្ឋអាមេរិក និងអ៊ីស្រាអែលថា ជួយជម្រុញឱ្យមានបាតុកម្មកើតឡើង៕