សកម្មជនសិទ្ធិមនុស្សបាននិយាយថា ការបង្ក្រាបការតវ៉ាទូទាំងប្រទេសនៅអ៊ីរ៉ង់ក្នុងរយៈពេលពីរសប្តាហ៍ បានបណ្ដាលឲ្យមនុស្សស្លាប់យ៉ាងហោចណាស់ ៥៤៤នាក់ និងមានអ្នកត្រូវបានឃុំខ្លួនជាង ១០.៦០០នាក់។ ក្នុងចំណោមអ្នកស្លាប់ មាន ៤៩៦នាក់ជាអ្នកតវ៉ា និង ៤៨នាក់ជាសមាជិកកងកម្លាំងសន្តិសុខ។
ប្រភពពីសារព័ត៌មានÁp នៅថ្ងៃទី១២ខែមករាឆ្នាំ២០២៥។
អាជ្ញាធរអ៊ីរ៉ង់មិនទាន់ប្រកាសតួលេខផ្លូវការនៅឡើយ ខណៈការកាត់ផ្តាច់អ៊ីនធឺណិត និងទូរស័ព្ទ បានធ្វើឲ្យការផ្ទៀងផ្ទាត់ព័ត៌មានពីក្រៅប្រទេសកាន់តែពិបាក។ សារព័ត៌មាន Associated Press មិនអាចបញ្ជាក់ដោយឯករាជ្យពីចំនួនអ្នកស្លាប់បានទេ។
ក្នុងបរិបទនេះ រដ្ឋាភិបាលតេអេរ៉ង់បានព្រមានថា យោធាសហរដ្ឋអាមេរិក និងអ៊ីស្រាអែល នឹងក្លាយជាគោលដៅស្របច្បាប់ ប្រសិនបើអាមេរិកប្រើកម្លាំងដើម្បីការពារបាតុករ៕