ប៉ូលីសទីក្រុងឡូសអេនជឺលេសបានឆ្លើយតបបន្ទាន់ ក្រោយពីរថយន្តដឹកទំនិញ U-Haul មួយបានបើកលឿនឆ្លងកាត់ហ្វូងអ្នកតវ៉ាដែលកំពុងដើរក្បួនគាំទ្រប្រជាជនអ៊ីរ៉ង់ បណ្តាលឲ្យក្រុមបាតុកររត់គេចពីផ្លូវ និងព្យាយាមវាយប្រហារលើអ្នកបើកបរ។
ប្រភពពីសារព័ត៌មានAP នៅថ្ងៃទី១២ខែមករាឆ្នាំ២០២៦។
រថយន្តនោះមានបង្អួច និងកញ្ចក់ចំហៀងបែកខ្ទេចខ្ទី មុនត្រូវបានបញ្ឈប់ឡោមព័ទ្ធដោយរថយន្តប៉ូលីស។ វីដេអូពីឧទ្ធម្ភាគចក្រព័ត៌មានបង្ហាញថា ក្រុមបាតុករបានឡោមព័ទ្ធរថយន្ត វាយអ្នកបើកបរ និងគប់បង្គោលទង់ជាតិចូលតាមបង្អួច។
ប៉ូលីសបានឃុំខ្លួនអ្នកបើកបរ ដែលមិនបានបង្ហាញអត្តសញ្ញាណ ដើម្បីស៊ើបអង្កេតបន្ថែម។ អាជ្ញាធរបញ្ជាក់ថា មានមនុស្សម្នាក់ត្រូវបានរថយន្តបុក ប៉ុន្តែមិនមានអ្នករងរបួសធ្ងន់ធ្ងរនោះទេ៕