ប្រធានាធិបតីអាមេរិក លោក Donald Trump បាននិយាយថា ថ្នាក់ដឹកនាំអ៊ីរ៉ង់បានបង្ហាញឆន្ទៈចង់ចរចាជាមួយលោក។ បន្ទាប់ពីមានការតវ៉ាខ្លាំងឡើងទូទាំងប្រទេស និងរបាយការណ៍អំពីអ្នកស្លាប់ជាង៥០០នាក់។
ប្រភពពីសារព័ត៌មានAFP នៅថ្ងៃទី១២ ខែមករា ឆ្នាំ២០២៦។
ការតវ៉ាដែលចាប់ផ្តើមពីការកើនឡើងថ្លៃដើមជីវភាព បានវិវត្តទៅជាការប្រឈមធ្ងន់ធ្ងរចំពោះរបបអ៊ីស្លាមតាំងពីបដិវត្តន៍ឆ្នាំ 1979។
ទោះមានការបិទអ៊ីនធឺណិត ក៏វីដេអូ និងរបាយការណ៍ពីទីក្រុងតេអេរ៉ង់ និងតំបន់ផ្សេងៗបង្ហាញពីការតវ៉ាធំៗ។
អង្គការសិទ្ធិមនុស្សនិយាយថា ការបង្ក្រាបបាននាំឲ្យមានការសម្លាប់រង្គាល។ មជ្ឈមណ្ឌលសិទ្ធិមនុស្សអ៊ីរ៉ង់ និងអង្គការ IHR រាយការណ៍ថា អ្នកស្លាប់អាចមានចំនួន៥០០នាក់ឡើងទៅ ខណៈអ្នកតវ៉ាជាង១០.០០០នាក់ត្រូវបានចាប់ខ្លួន៕