នៅថ្ងៃទី១២ ខែមករា ឆ្នាំ២០២៦ នាយករដ្ឋមន្ត្រីដាណឺម៉ាក លោកស្រី Mette Frederiksen បានព្រមានថា ការប្រឈមមុខដាក់គ្នាជុំវិញកោះ Greenland បានឈានដល់ ពេលវេលាដ៏សំខាន់ បន្ទាប់ពីប្រធានាធិបតីសហរដ្ឋអាមេរិក Donald Trump បន្តគំរាមកំហែងដណ្តើមយកទឹកដីអាកទិកនេះ។
ប្រភពពីសារព័ត៌មានAl Jazeera។
ថ្លែងមុនកិច្ចប្រជុំនៅទីក្រុងវ៉ាស៊ីនតោន ស្តីពីការប្រជែងយកវត្ថុធាតុដើមសំខាន់ៗ លោកស្រី Frederiksen បានអះអាងថា មានជម្លោះលើ Greenland ហើយបានបញ្ជាក់ថា ដាណឺម៉ាកត្រៀមខ្លួនការពារអធិបតេយ្យភាពរបស់ខ្លួនគ្រប់ទីកន្លែងដែលចាំបាច់រួមទាំងតំបន់អាកទិក។ នាងក៏បានលើកឡើងពីការគោរព ច្បាប់អន្តរជាតិ និង សិទ្ធិប្រជាជនក្នុងការសម្រេចចិត្តដោយខ្លួនឯង។
ការអះអាងនេះទទួលបានការគាំទ្រពី អាល្លឺម៉ង់ និង ស៊ុយអែត។ នាយករដ្ឋមន្ត្រីស៊ុយអែត Ulf Kristersson បានថ្កោលទោសការគំរាមកំហែងរបស់សហរដ្ឋអាមេរិក ដោយព្រមានថា ការដណ្តើមយក Greenland ជាការរំលោភច្បាប់អន្តរជាតិ និងអាចបង្កហានិភ័យលើស្ថិរភាពពិភពលោក៕