ប្រទេសចិនបានប្រកាសថា ផលិតផលក្នុងស្រុកសរុប (GDP) កើនឡើង ៥ ភាគរយក្នុងឆ្នាំ ២០២៥ សម្រេចបានគោលដៅប្រចាំឆ្នាំរបស់រដ្ឋាភិបាល ប៉ុន្តែត្រូវបានចាត់ទុកថាជាកំណើនខ្សោយមួយក្នុងរយៈពេលជាច្រើនទសវត្សរ៍។ ទិន្នន័យផ្លូវការបង្ហាញថា កំណើនសេដ្ឋកិច្ចបានថយចុះមកត្រឹម ៤.៥ ភាគរយនៅត្រីមាសចុងក្រោយ។
ប្រភពពីសារព័ត៌មានReuters នៅថ្ងៃទី១៩ខែមករា។
ការនាំចេញបានក្លាយជាកត្តាសំខាន់ជួយទ្រទ្រង់កំណើន ដោយកើនឡើង ៦.១ ភាគរយ ខណៈអតិរេកពាណិជ្ជកម្មឈានដល់កម្រិតខ្ពស់ជិត ១.២ ពាន់ពាន់លានដុល្លារ។ ទោះយ៉ាងណា ការប្រើប្រាស់ក្នុងស្រុក និងវិស័យអចលនទ្រព្យនៅតែអូសទាញសេដ្ឋកិច្ច ដោយសារការលក់រាយកើនយឺត និងការវិនិយោគលើទ្រព្យសកម្មថេរធ្លាក់ចុះ។
អាជ្ញាធរចិនអះអាងថា សេដ្ឋកិច្ចនៅតែរក្សាស្ថិរភាព ប៉ុន្តែបានព្រមានពីសម្ពាធខាងក្រៅ និងតម្រូវការខ្សោយក្នុងស្រុក ខណៈការផ្តោតអារម្មណ៍កំពុងប្តូរទៅលើការសម្រេចកំណើនរឹងមាំសម្រាប់ឆ្នាំ ២០២៦ និងការចាប់ផ្តើមផែនការប្រាំឆ្នាំទី ១៥៕