ទីក្រុង Niscemi នៅកោះស៊ីស៊ីលីនៃប្រទេសអ៊ីតាលី កំពុងប្រឈមមុខនឹងវិបត្តិធម្មជាតិធ្ងន់ធ្ងរ បន្ទាប់ពីការរអិលបាក់ដីបានធ្វើឱ្យផ្ទះសម្បែងជាច្រើនស្ថិតនៅលើគែមច្រាំងថ្មចោទ។ អាជ្ញាធរអ៊ីតាលីបានឲ្យដឹងថា ស្ថានភាពនេះបង្កការគំរាមកំហែងដល់សុវត្ថិភាពប្រជាជនយ៉ាងខ្លាំង។
ប្រភពពីសារព័ត៌មានReuters នៅថ្ងៃទី២៨ខែមករា។
ទីក្រុង Niscemi មានប្រជាជនប្រមាណ ២៥,០០០ នាក់ ស្ថិតនៅលើខ្ពង់រាបមួយនៅភាគខាងត្បូងកណ្តាលស៊ីស៊ីលី ដែលកំពុងដួលរលំបន្តិចម្តងៗចុះទៅវាលទំនាបខាងក្រោម។ ជាផលវិបាក មនុស្សជាង ១,៥០០ នាក់ត្រូវបានជម្លៀសចេញពីតំបន់គ្រោះថ្នាក់ ខណៈអាជ្ញាធរកំពុងតាមដាន និងវាយតម្លៃហានិភ័យបន្តទៀត។
អាជ្ញាធរការពារជនស៊ីវិលបានព្រមានថា ការរអិលបាក់ដីអាចបន្តកើតមាន ប្រសិនបើអាកាសធាតុអាក្រក់នៅតែបន្ត និងបានអំពាវនាវឱ្យប្រជាជនគោរពតាមការណែនាំសុវត្ថិភាពយ៉ាងតឹងរឹង៕