ប្រធានាធិបតីអាមេរិក លោកDonald Trump សង្ឃឹមថា នឹងមិនចាំបាច់ប្រើកម្លាំងយោធាប្រឆាំង នឹងប្រទេសអ៊ីរ៉ង់នោះឡើយ។
ទោះបីសហរដ្ឋអាមេរិក បានបញ្ជូននាវាចម្បាំង និងកម្លាំងយោធាដ៏មានអានុភាពទៅកាន់តំបន់មជ្ឈិមបូព៌ាក៏ដោយ។
ប្រភពពីសារព័ត៌មានRoyalnews នៅថ្ងៃទី៣០ខែមករា។
លោក Trump បានអះអាងថា កម្លាំងយោធា ដែលត្រូវបានសាងសង់ឡើងក្នុងអាណត្តិដំបូងរបស់លោក មានសមត្ថភាពខ្លាំង។
ប៉ុន្តែលោកចង់ឃើញដំណោះស្រាយតាមផ្លូវការទូត ជាងការប្រើប្រាស់អាវុធ។ លោកបានបញ្ជាក់ថា នឹងជាការល្អបំផុត ប្រសិនបើកម្លាំងទាំងនេះមិនត្រូវបានប្រើប្រាស់ឡើយ។
ក្នុងពេលតែមួយ លោក Trump បានបញ្ជាក់ថា សហរដ្ឋអាមេរិកកំពុងមានការសន្ទនាជាមួយអ៊ីរ៉ង់ក្នុងរយៈពេលប៉ុន្មានថ្ងៃចុងក្រោយ ហើយមានគម្រោងបន្តការចរចាបន្ថែមទៀត។
លោកក៏បានផ្ញើសារទៅកាន់អ៊ីរ៉ង់ ដោយទាមទារឱ្យបញ្ឈប់កម្មវិធីនុយក្លេអ៊ែរ និងឈប់ប្រើអំពើហិង្សាបង្ក្រាបក្រុមបាតុករ៕