ឆ្មាំសមុទ្រចិន បានឲ្យដឹងថា នៅឆ្នាំមុន នាវារបស់ខ្លួន បានល្បាតស្ទើរតែរាល់ថ្ងៃនៅជុំវិញក្រុមកោះជម្លោះក្នុងសមុទ្រចិនខាងកើត ដែលកំពុងស្ថិតក្រោមការគ្រប់គ្រងរបស់ជប៉ុន។
កោះទាំងនេះ ត្រូវបានជប៉ុនហៅថា កោះសេនកាគុ ខណៈចិនហៅថា កោះឌីអាវយូ។
ប្រភពពីសារព័ត៌មាន Reuters នៅថ្ងៃទី៣០ខែមករា។
ចិនអះអាងថា ការល្បាតមានគោលបំណងការពារអធិបតេយ្យភាពលើកោះ និងថ្មដាច់ស្រយាលទាំងនេះ ព្រមទាំងរារាំងតៃវ៉ាន់ពីជំហានណាមួយឆ្ពោះទៅរកឯករាជ្យភាព។
សកម្មភាពដ៏ញឹកញាប់នេះត្រូវបានគេមើលឃើញថា អាចធ្វើឲ្យភាពតានតឹងរវាងចិន និងជប៉ុនកាន់តែខ្លាំងឡើង នៅក្នុងតំបន់ដែលមានជម្លោះអធិបតេយ្យភាពយូរមកហើយ៕