អង្គការសហប្រជាជាតិបានសម្តែងការព្រួយបារម្ភយ៉ាងខ្លាំង ខណៈសន្ធិសញ្ញា New START ដែលជាកិច្ចព្រមព្រៀងគ្រប់គ្រងអាវុធនុយក្លេអ៊ែររវាងរុស្ស៊ី និងសហរដ្ឋអាមេរិក នឹងផុតកំណត់នៅថ្ងៃព្រហស្បតិ៍នេះ ដោយព្រមានថា វាជា ពេលដ៏ធ្ងន់ធ្ងរបំផុតសម្រាប់សន្តិភាព និងសន្តិសុខអន្តរជាតិ។
ប្រភពពីសារព័ត៌មានAl Jazeera នៅថ្ងៃទី៥ខែកុម្ភៈ។
ក្រសួងការបរទេសរុស្ស៊ីបាននិយាយថា ភាគីទាំងពីរលែងមានកាតព្វកិច្ចតាមសន្ធិសញ្ញា New START ទៀតហើយ ហើយបានរិះគន់វិធីសាស្រ្តរបស់សហរដ្ឋអាមេរិកថា មិនយកចិត្តទុកដាក់ និងគួរឱ្យសោកស្តាយ។
សូមបញ្ជាក់ថា៖ សន្ធិសញ្ញា New START ត្រូវបានចុះហត្ថលេខានៅឆ្នាំ 2010 និងចូលជាធរមាននៅឆ្នាំ 2011 ដោយមានគោលបំណងកំណត់ចំនួនអាវុធនុយក្លេអ៊ែរយុទ្ធសាស្ត្រដែលអាចដាក់ពង្រាយបានរបស់ប្រទេសទាំងពីរ ដែលជាឃ្លាំងអាវុធបរមាណូធំបំផុតក្នុងពិភពលោក។ ការផុតកំណត់របស់វាបង្កើនការព្រួយបារម្ភអំពីការបាត់បង់យន្តការត្រួតពិនិត្យអាវុធ និងហានិភ័យនៃការប្រកួតប្រជែងអាវុធនុយក្លេអ៊ែរថ្មី៕