នៅថ្ងៃទី៦ ខែកុម្ភៈ ឆ្នាំ២០២៦ យោធាសហរដ្ឋអាមេរិកបានអះអាងថា មនុស្សពីរនាក់ត្រូវបានសម្លាប់ក្នុងការវាយប្រហារលើនាវាមួយគ្រឿងនៅមហាសមុទ្រប៉ាស៊ីហ្វិកភាគខាងកើត។
ប្រភពពីសារព័ត៌មានAl Jazeera។
បញ្ជាការភាគខាងត្បូងសហរដ្ឋអាមេរិក (SOUTHCOM) ដែលត្រួតពិនិត្យប្រតិបត្តិការយោធានៅអាមេរិកឡាទីន បាននិយាយថា ការវាយប្រហារនេះជាផ្នែកមួយនៃយុទ្ធនាការប្រឆាំងការជួញដូរគ្រឿងញៀនតាមសមុទ្រ។ ទោះជាយ៉ាងណា ក្រុមឃ្លាំមើល Airwars រាយការណ៍ថា ចាប់តាំងពីខែកញ្ញា ឆ្នាំ២០២៥ មក សហរដ្ឋអាមេរិកបានវាយប្រហារយ៉ាងហោចណាស់ ៣៤ លើក លើនាវានៅតំបន់ប៉ាស៊ីហ្វិក និងការាបៀន ដែលបណ្ដាលឲ្យមានអ្នកស្លាប់សរុបយ៉ាងតិច ១២៨ នាក់។
យុទ្ធនាការនេះត្រូវបានថ្កោលទោសយ៉ាងទូលំទូលាយពីអ្នកជំនាញផ្នែកច្បាប់អន្តរជាតិ អង្គការសិទ្ធិមនុស្ស និងមេដឹកនាំក្នុងតំបន់ ដោយពួកគេព្រមានថា វាអាចជាការសម្លាប់ក្រៅប្រព័ន្ធតុលាការ និងគ្មានមូលដ្ឋានច្បាប់អន្តរជាតិគាំទ្រឡើយ៕