បញ្ជាការកណ្តាលអាមេរិក(CENTCOM) បានឱ្យដឹងថា កងកម្លាំងអាមេរិកបានបាញ់ទម្លាក់ដ្រូនរបស់អ៊ីរ៉ង់ជាច្រើនគ្រឿង បន្ទាប់ពីដ្រូនទាំងនោះបាញ់សំដៅទៅលើនាវាពាណិជ្ជកម្មដែលធ្វើដំណើរឆ្លងកាត់ច្រកសមុទ្រHormuz។
ប្រភពពីសារព័ត៌មានAnadolu Agency នៅថ្ងៃទី13ខែមិថុនា។
យោងតាម CENTCOM ដ្រូនទាំងអស់ត្រូវបានបាញ់ទម្លាក់បានជោគជ័យ ហើយការធ្វើចរាចរណ៍នាវាតាមច្រកសមុទ្រនេះនៅតែដំណើរការធម្មតា ដោយមិនមានការរារាំងឡើយ។
អាមេរិកក៏បានបញ្ជាក់ថា ផ្លូវពាណិជ្ជកម្មអន្តរជាតិតាមច្រកសមុទ្រ Hormuz នៅតែបើកចំហសម្រាប់នាវាឆ្លងកាត់ ទោះបីជាភាពតានតឹងរវាងអាមេរិក និងអ៊ីរ៉ង់នៅតែបន្តកើនឡើងក៏ដោយ៕
