ប្រធានាធិបតីអាមេរិក លោកDonald Trump បាននិយាយថា កងទ័ពអាមេរិកបានសម្លាប់លោកNino Guerrero ដែលជាមេដឹកនាំក្រុមឧក្រិដ្ឋកម្មTren de Aragua ក្នុងប្រតិបត្តិការវាយប្រហារមួយ។
ប្រភពពីសារព័ត៌មានTRT World នៅថ្ងៃទី១៣ខែមិថុនា។
លោកTrump បញ្ជាក់ថា ប្រតិបត្តិការនេះធ្វើឡើងដោយមានកិច្ចសហការជាមួយអាជ្ញាធរវេណេស៊ុយអេឡា។
សហរដ្ឋអាមេរិកចាត់ទុកក្រុម Tren de Aragua ជាអង្គការភេរវករ និងចោទប្រកាន់ថាពាក់ព័ន្ធនឹងការជួញដូរមនុស្ស គ្រឿងញៀន និងបទឧក្រិដ្ឋផ្សេងៗ។
ទោះជាយ៉ាងណា មកដល់ពេលនេះ មិនទាន់មានការបញ្ជាក់ដោយឯករាជ្យអំពីការស្លាប់របស់លោក Nino Guerrero នៅឡើយទេ៕
