អារ៉ាប៊ីសាអូឌីតបានថ្កោលទោសយ៉ាងខ្លាំងចំពោះការវាយប្រហារជាបន្តបន្ទាប់របស់កងកម្លាំង(RSF) ដែលបានកំណត់គោលដៅលើមន្ទីរពេទ្យ ក្បួនរថយន្តជំនួយមនុស្សធម៌ និងជនស៊ីវិល នៅក្នុងរដ្ឋ Kordofan ខាងជើង និងខាងត្បូងនៃប្រទេសស៊ូដង់។
ប្រភពពីសារព័ត៌មានAnadolu agency នៅថ្ងៃទី៨ខែកុម្ភៈ។
ក្នុងសេចក្តីថ្លែងការណ៍ ក្រសួងការបរទេសអារ៉ាប៊ីសាអូឌីតបានពិពណ៌នាការវាយប្រហារទាំងនេះថាជាឧក្រិដ្ឋកម្មសង្គ្រាមដែលបណ្តាលឱ្យជនស៊ីវិលជាច្រើននាក់ រួមទាំងស្ត្រី និងកុមារ ស្លាប់ និងរងរបួស ព្រមទាំងបំផ្លាញស្ថាប័នសុខាភិបាល និងជំនួយមនុស្សធម៌។ រដ្ឋាភិបាលទីក្រុងរីយ៉ាដបានអំពាវនាវឱ្យ RSF បញ្ឈប់ការរំលោភបំពានភ្លាមៗ និងធានាការចូលដំណើរការជំនួយមនុស្សធម៌ដោយសុវត្ថិភាព ស្របតាមច្បាប់មនុស្សធម៌អន្តរជាតិ និងសេចក្តីប្រកាស Jeddah ឆ្នាំ២០២៣៕