អង្គការសុខភាពពិភពលោក (WHO) បានឱ្យដឹងកាលពីថ្ងៃទី២៩ ខែតុលា ឆ្នាំ២០២៦ ថាមនុស្សចំនួន១.៦៧៧នាក់បានស្លាប់និ ៧.៣៩៥នាក់រងរបួសនៅប្រទេសយេម៉ែន ចាប់តាំងពីខែសីហាមក ដោយសារការកើនឡើងនៃការប្រយុទ្ធគ្នា។
សារព័ត៌មានAnadolu Agency។
ក្នុងនោះ មានមនុស្ស ៥៥៩នាក់បានស្លាប់ និងរងរបួសក្នុងរយៈពេលត្រឹមតែ ៦ថ្ងៃ ចាប់ពីថ្ងៃទី២០ ដល់ថ្ងៃទី២៥ ខែតុលា ស្មើនឹងជាមធ្យមប្រមាណ ៩៣នាក់ក្នុងមួយថ្ងៃ។
ការប្រយុទ្ធគ្នាបានបន្តកើតឡើងនៅខេត្តតៃអ៊ីស ឡាហ្ស និងម៉ារីប ដែលធ្វើឱ្យប្រជាជនជួបការលំបាកក្នុងការទទួលបានសេវាសុខាភិបាល។ នៅខេត្តម៉ារីប ក្រុមសង្គ្រោះសុខភាពចល័តនៅសល់តែ ៦ក្រុមប៉ុណ្ណោះ ក្នុងចំណោម ៣១ក្រុម។
អង្គការ WHO ក៏បានព្រមានថា កង្វះថ្នាំពេទ្យ ប្រេងឥន្ធនៈ និងទឹកស្អាត ព្រមទាំងការខូចខាតមន្ទីរពេទ្យ កំពុងបង្កើនហានិភ័យនៃការរីករាលដាលជំងឺឆ្លង ជាពិសេសនៅខេត្តតៃអ៊ីស។
គួរបញ្ជាក់ថា ប្រទេសយេម៉ែនបានធ្លាក់ក្នុងសង្គ្រាមតាំងពីឆ្នាំ២០១៤ បន្ទាប់ពីក្រុមហ៊ូទីបានដណ្តើមកាន់កាប់រដ្ឋធានីសាណា និងខេត្តមួយចំនួន។ នៅឆ្នាំ២០១៥ ក្រុមចម្រុះដឹកនាំដោយអារ៉ាប៊ីសាអូឌីតបានចូលធ្វើអន្តរាគមន៍ ដើម្បីគាំទ្ររដ្ឋាភិបាលយេម៉ែន។
