នាយករដ្ឋមន្ត្រីអ៊ីស្រាអែល លោកBenjamin Netanyahu បានថ្លែងថាកិច្ចព្រមព្រៀងណាមួយរវាងអាមេរិកនិងអ៊ីរ៉ង់ត្រូវតែរុះរើទាំងស្រុងនូវហេដ្ឋារចនាសម្ព័ន្ធនុយក្លេអ៊ែររបស់អ៊ីរ៉ង់ មិនមែនគ្រាន់តែបញ្ឈប់ដំណើរការចម្រាញ់អ៊ុយរ៉ាញ៉ូមប៉ុណ្ណោះទេ។
ប្រពីសារព័ត៌មានReuter នៅថ្ងៃទី១៥ខែកុម្ភៈ។
ថ្លែងនៅសន្និសីទប្រចាំឆ្នាំរបស់មេដឹកនាំអង្គការជ្វីហ្វអាមេរិក លោក Netanyahu បានបញ្ជាក់ថា លោកបានជម្រាបដល់ប្រធានាធិបតីអាមេរិក Donald Trump អំពីជំហរដាច់ខាតនេះកាលពីសប្តាហ៍មុន។ លោកសង្កត់ធ្ងន់ថា អ៊ីរ៉ង់មិនគួរមានសមត្ថភាពចម្រាញ់ឡើយ ហើយឧបករណ៍និងហេដ្ឋារចនាសម្ព័ន្ធដែលអនុញ្ញាតឲ្យមានការចម្រាញ់ត្រូវតែរុះរើចេញ។
សូមបញ្ជាក់ថា៖ ការថ្លែងនេះកើតឡើង ខណៈដែលសហរដ្ឋអាមេរិក និងអ៊ីរ៉ង់គ្រោងបន្តកិច្ចចរចាជុំទីពីរ ក្នុងគោលបំណងដោះស្រាយវិវាទយូរឆ្នាំពាក់ព័ន្ធកម្មវិធីនុយក្លេអ៊ែរ និងបង្ការការប្រឈមមុខយោធាថ្មី។ មានព័ត៌មានថា សហរដ្ឋអាមេរិកបានបញ្ជូននាវាផ្ទុកយន្តហោះទីពីរទៅតំបន់មជ្ឈិមបូព៌ា ដើម្បីត្រៀមប្រតិបត្តិការយោធា ប្រសិនបើការចរចាមិនជោគជ័យ៕