ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បានឱ្យដឹងថា ការវាយប្រហារដោយមីស៊ីល និងដ្រូនរបស់រុស្ស៊ីនៅទីក្រុងកៀវ និងតំបន់ជុំវិញ បានបណ្តាលឱ្យមនុស្ស១៧នាក់ស្លាប់ និង៤៤នាក់រងរបួស។
ប្រភពពីសារព័ត៌មានTRT World នៅថ្ងៃទី៥ខែសីហា។
លោកបញ្ជាក់ថា រុស្ស៊ីបានបាញ់មីស៊ីលផ្លោង ២៤គ្រាប់ មីស៊ីល Tsirkon និង Oniks ៤គ្រាប់ ព្រមទាំងដ្រូន ១១៥គ្រឿង ក្នុងការវាយប្រហារពេលយប់ ដែលបានប៉ះពាល់ដល់ឃ្លាំង សំណង់ហេដ្ឋារចនាសម្ព័ន្ធ និងស្ថានីយរថភ្លើង។
លោក ហ្សេលេនស្គី បានអំពាវនាវឱ្យសម្ព័ន្ធមិត្តផ្តល់ប្រព័ន្ធការពារអាកាសបន្ថែម និងដាក់វិធានការទណ្ឌកម្មថ្មីលើក្រុមហ៊ុនរុស្ស៊ីដែលផលិតមីស៊ីល ដើម្បីទប់ស្កាត់ការវាយប្រហារបន្ត៕
