ប្រទេសតួកគីនឹងរៀបចំពិព័រណ៍ TEKNOFEST Blue Homeland ដើម្បីបង្ហាញពីការរីកចម្រើននៃវិស័យការពារជើងទឹក និងបច្ចេកវិទ្យាសមុទ្ររបស់ខ្លួន។
ប្រភពពីសារព័ត៌មានTRT World នៅថ្ងៃទី៥ខែសីហា។
ព្រឹត្តិការណ៍រយៈពេល ៤ថ្ងៃ ដែលនឹងប្រព្រឹត្តទៅពីថ្ងៃទី២០ ដល់២៣ ខែសីហា នៅកន្លែងផលិតនាវាកងទ័ពជើងទឹក Gölcük នឹងមានការបង្ហាញនាវាយោធា ការធ្វើតេស្តបច្ចេកវិទ្យាក្រោមទឹក ការប្រកួតសម្រាប់វិស្វករវ័យក្មេង និងសកម្មភាពបង្ហាញសមត្ថភាពក្នុងស្រុក។
ព្រឹត្តិការណ៍នេះរៀបចំដោយក្រសួងការពារជាតិតួកគី និងមូលនិធិក្រុមបច្ចេកវិទ្យាតួកគី (T3) ដើម្បីលើកកម្ពស់ការអភិវឌ្ឍបច្ចេកវិទ្យាជាតិ និងបណ្តុះជំនាន់វិស្វករថ្មីក្នុងវិស័យសមុទ្រ៕
