ប្រព័ន្ធផ្សព្វផ្សាយរដ្ឋអ៊ីរ៉ង់បានបញ្ជាក់នៅព្រឹកថ្ងៃអាទិត្យថា មេដឹកនាំកំពូលអ៊ីរ៉ង់ Ayatollah Ali Khamenei បានស្លាប់ បន្ទាប់ពីការវាយប្រហារតាមអាកាសដ៏ធំមួយដែលធ្វើឡើងដោយអ៊ីស្រាអែល និងសហរដ្ឋអាមេរិក។ ហេតុការណ៍នេះបានបង្កឱ្យមានការព្រួយបារម្ភយ៉ាងខ្លាំងអំពីអនាគតនយោបាយរបស់អ៊ីរ៉ង់ និងស្ថិរភាពសន្តិសុខក្នុងតំបន់មជ្ឈិមបូព៌ា។
ប្រភពពីសារព័ត៌មានAPនៅថ្ងៃទី១ខែមីនា។
តាមរបាយការណ៍បុរសវ័យ ៨៦ ឆ្នាំរូបនេះ ត្រូវបានសម្លាប់នៅក្នុងការវាយប្រហារដែលកំណត់គោលដៅលើទីតាំងការិយាល័យរបស់លោកនៅទីក្រុងតេអេរ៉ង់។ រូបភាពផ្កាយរណបបានបង្ហាញថា ទីតាំងនោះរងការខូចខាតយ៉ាងធ្ងន់ធ្ងរ។
មុនការបញ្ជាក់ជាផ្លូវការ ប្រធានាធិបតីសហរដ្ឋអាមេរិក Donald Trump បានប្រកាសអំពីការស្លាប់នេះ ហើយអំពាវនាវឱ្យប្រជាជនអ៊ីរ៉ង់គ្រប់គ្រងរដ្ឋាភិបាលរបស់ខ្លួនវិញដោយចាត់ទុកព្រឹត្តិការណ៍នេះថាជាឱកាសដ៏អស្ចារ្យសម្រាប់ការផ្លាស់ប្តូររបប៕