រុស្ស៊ីបានប្រតិកម្មយ៉ាងខ្លាំងចំពោះការវាយប្រហាររួមរបស់សហរដ្ឋអាមេរិកនិងអ៊ីស្រាអែលលើអ៊ីរ៉ង់ ដោយអះអាងថា ខ្លួនធ្លាប់ទទួលបានតម្រុយពីអ៊ីស្រាអែលថាមិនមានចំណាប់អារម្មណ៍ក្នុងការប្រឈមមុខដាក់គ្នាខាងយោធាជាមួយអ៊ីរ៉ង់ឡើយ។
ប្រភពពីសារព័ត៌មានAnadolu Agencyនៅថ្ងៃទី១ខែមីនា។
ក្រសួងការបរទេសរុស្ស៊ីនៅទីក្រុង Moscow បានចេញសេចក្តីថ្លែងការណ៍ហៅការវាយប្រហារនេះថា ជាទង្វើឈ្លានពានប្រដាប់អាវុធដែលបានគ្រោងទុកជាមុនប្រឆាំងនឹងរដ្ឋសមាជិកអធិបតេយ្យរបស់អង្គការសហប្រជាជាតិ។ រុស្ស៊ីក៏អំពាវនាវឱ្យមានការវិលត្រឡប់ទៅរកដំណោះស្រាយនយោបាយ និងការទូតជាបន្ទាន់ ដើម្បីទប់ស្កាត់ការកើនឡើងនៃភាពតានតឹងក្នុងតំបន់មជ្ឈិមបូព៌ា៕