ក្រុមហ៊ុនថាមពលអន្តរជាតិChevron និងShell កំពុងឈានដល់កិច្ចព្រមព្រៀងធំៗសម្រាប់ការផលិតប្រេងនៅវេណេស៊ុយអេឡាដែលអាចជាគម្រោងធំបំផុតបន្ទាប់ពីសហរដ្ឋអាមេរិកបានចាប់ខ្លួនប្រធានាធិបតី Nicolás Maduro។
ប្រភពពីសារព័ត៌មានReuterនៅថ្ងៃទី១១ខែមីនា។
តាមប្រភពព័ត៌មានឧស្សាហកម្មប្រេង ក្រុមហ៊ុន Chevron កំពុងពិភាក្សាដើម្បីពង្រីកគម្រោងប្រេងធ្ងន់នៅតំបន់ Orinoco Belt ខណៈ Shell គ្រោងអភិវឌ្ឍវាលប្រេង និងឧស្ម័ននៅភាគខាងជើងប្រទេស។ គម្រោងទាំងនេះអាចជួយបង្កើនការផលិតប្រេង និងទាក់ទាញវិនិយោគបរទេសវិញ។
រដ្ឋាភិបាលវេណេស៊ុយអេឡាក៏បានធ្វើកំណែទម្រង់ច្បាប់ប្រេងថ្មី ដែលអនុញ្ញាតឲ្យក្រុមហ៊ុនឯកជនមានសិទ្ធិបន្ថែមក្នុងការប្រតិបត្តិការ ជាមួយក្រុមហ៊ុនប្រេងរដ្ឋ PDVSA ដើម្បីស្ដារឧស្សាហកម្មប្រេងដែលធ្លាក់ចុះអស់រយៈពេលជាច្រើនឆ្នាំ៕