នៅថ្ងៃទី21 ខែមីនា ឆ្នាំ2026 អ៊ីរ៉ង់ បានបង្ហាញសញ្ញាវិជ្ជមាន ដោយត្រៀមអនុញ្ញាតឱ្យនាវាជប៉ុន ឆ្លងកាត់ច្រកសមុទ្រHormuz ដែលជាផ្លូវសំខាន់សម្រាប់ដឹកជញ្ជូនប្រេងសកល។
ប្រភពពីសារព័ត៌មានReuter។
តាមរបាយការណ៍របស់ Kyodo News ដោយដកស្រង់សម្តីរដ្ឋមន្ត្រីការបរទេសអ៊ីរ៉ង់ Abbas Araqchi បានឲ្យដឹងថា ទីក្រុងតេអេរ៉ង់កំពុងចរចាជាមួយរដ្ឋាភិបាលជប៉ុន ដើម្បីធានាឱ្យមានការបើកច្រកសមុទ្រនេះសម្រាប់នាវាជប៉ុន។
ការចរចានេះក៏ពាក់ព័ន្ធនឹងអតីតរដ្ឋមន្ត្រីការបរទេសជប៉ុន Toshimitsu Motegi ដែលបានពិភាក្សាជាមួយភាគីអ៊ីរ៉ង់អំពីសុវត្ថិភាពនាវាចរណ៍ក្នុងតំបន់។
ជំហាននេះត្រូវបានមើលថា ជាការបន្តការទូតក្នុងបរិបទសង្គ្រាមកំពុងតានតឹង ដែលអាចជួយរក្សាស្ថិរភាពផ្គត់ផ្គង់ប្រេង និងកាត់បន្ថយហានិភ័យសេដ្ឋកិច្ចសកល៕