អាជ្ញាធរស៊ីរីបាននិយាយថា កងកម្លាំងសន្តិសុខបានរារាំងការប៉ុនប៉ងលួចដឹកអាវុធ និងគ្រាប់រំសេវពីខេត្ត Tartus ភាគខាងលិចស៊ីរី ទៅកាន់ប្រទេសលីបង់។
ប្រភពពីសារព័ត៌មានAnadolu Agency នៅថ្ងៃទី៩ខែសីហា។
ប្រតិបត្តិការរួមរវាងកងកម្លាំងសន្តិសុខផ្ទៃក្នុង និងសេវាចារកម្មទូទៅ បានរឹបអូសអាវុធដែលត្រៀមដឹកជញ្ជូន រួមមានកាំភ្លើងស្វ័យប្រវត្តិ គ្រាប់ RPG បង់កាំភ្លើង និងប្រភេទគ្រាប់រំសេវផ្សេងៗ។
អាជ្ញាធរស៊ីរីបញ្ជាក់ថា ប្រតិបត្តិការនេះជាផ្នែកមួយនៃការពង្រឹងសន្តិសុខ និងការគ្រប់គ្រងទូទាំងប្រទេស ខណៈរដ្ឋបាលថ្មីកំពុងព្យាយាមស្តារស្ថិរភាព និងស្តារប្រទេសឡើងវិញ បន្ទាប់ពីសង្គ្រាមអូសបន្លាយជាច្រើនឆ្នាំ៕
