អតីតប្រធានាធិបតីអាមេរិក លោកJoe Biden កំពុងប្រឈមនឹងជំងឺមហារីកក្រពេញប្រូស្តាតដែលបានរាលដាលពីឆ្អឹងទៅកាន់ផ្នែកផ្សេងទៀតនៃរាងកាយ និងបង្កការឈឺចាប់ខ្លាំង។ នេះបើតាមការលើកឡើងរបស់កូនប្រុសលោក គឺ Hunter Biden ក្នុងបទសម្ភាសន៍ជាមួយ BBC។
ប្រភពពីសារព័ត៌មានReuterនៅថ្ងៃទី៩ខែសីហា។
លោមHunter Biden បាននិយាយថា ជំងឺនេះមានសភាពធ្ងន់ធ្ងរ និងធ្វើឱ្យឪពុករបស់លោកមានការឈឺចាប់ និងចុះខ្សោយយ៉ាងខ្លាំង។ អ្នកនាំពាក្យរបស់ Biden មិនបានធ្វើអត្ថាធិប្បាយលើការលើកឡើងនេះទេ។
លោកBiden បានប្រកាសកាលពីខែឧសភា ឆ្នាំ២០២៥ ថា លោកត្រូវបានរកឃើញមានមហារីកក្រពេញប្រូស្តាតប្រភេទធ្ងន់ធ្ងរ ដែលនៅពេលនោះបានរាលដាលទៅឆ្អឹងរួចហើយ។ លោកក៏បានទទួលការព្យាបាលដោយកាំរស្មី និងការព្យាបាលដោយអ័រម៉ូនផងដែរ៕
