លោកVolodymyr Zelenskyy ប្រធានាធិបតីអ៊ុយក្រែន បានអះអាងថា មានសកម្មភាពចម្លែកកើតឡើងតាមព្រំដែនរវាងអ៊ុយក្រែននិងបេឡារុស។
ប្រភពពីសារព័ត៌មានAnadolu Agency នៅថ្ងៃទី៣ខែឧសភា។
ក្នុងសារវីដេអូ លោកបានបញ្ជាក់ថាអាជ្ញាធរអ៊ុយក្រែនកំពុងតាមដានស្ថានការណ៍យ៉ាងជិតស្និទ្ធ និងកត់ត្រាទិន្នន័យទាំងអស់ ដើម្បីរក្សាឱ្យស្ថានភាពនៅក្រោមការគ្រប់គ្រង។ ទោះបីជាមិនបានបញ្ជាក់លម្អិតអំពីសកម្មភាពនោះក៏ដោយ លោកបានព្រមានថា អ៊ុយក្រែននឹងឆ្លើយតបប្រសិនបើចាំបាច់ដើម្បីការពារអធិបតេយ្យភាព និងសុវត្ថិភាពប្រជាជនរបស់ខ្លួន។
រហូតមកដល់ពេលនេះបេឡារុសមិនទាន់មានប្រតិកម្មផ្លូវការណាមួយចំពោះការអះអាងនេះនៅឡើយ៕